احنا اتحدنا = مشاركتي باحتفالات الجاليه بنييورك بمناسبة عيد الوحده = توفيق الماطري

ابدع بواحد اله الكون فيه الامل = الحمدله حمد ماشنت سحايب سماه
الماطري قال من يمشي بعزه وصل = ومن يعكر على نفسه تعكر رجاه
ومن يبيع المبادئ يجتني للفشل = ومن مشى عكس تيار الوطن يافناه
شعب الكرامات ناضل وانتصر واستقل = للحريه انتزعنا من ايادي الطُغاه
بالعزم ازلنا امام البلطجه والحيل = ومن عدن تم دحر الطامعين الغُزاه
هاماتنا مابتهتز راسخه كالجبل = درب الكرامه لنا مبداء طوال الحياه
مبروك للشعب في مايو الشموخ احتفل =اليوم ذي زال تشطيره وحقق مُناه
توحد الصف والشمل اجتمع واكتمل = بقدرة الله واخلاص الرجال الاُباه
في عيد مايو يمنا الحُر عانق زُحل = تاريخ ناصع في العالم مدوي صداه
تحقق الحلم صرنا بين كل الدول = يمن موحد لنا بالمجد عزا وجاه
لن نرتضي شعبنا الواحد يقسم شلل = الكل منا لهذا الشعب عمق ولاه
لاترهقو الشعب يالساسه بكثر الجدل = ذي عمق الشرخ في شعبي وزود بلاه
لاتمسكو في حبال المعمعه والخلل = لاتصبحو مثل العوبه بيد الوشاه
الوضع مازوم هذا الوضع لايُحتمل = صار المواطن رهينه ضاع زاده وماه
لاتهدمو السقف عمدا حسب قول المثل = يستاهل البرد من ضيع بنفسه دفاه
بالاعتصامات كأن الشعب في معتقل = ما بالتصادم يحقق شعبنا مبتغاه
عدوكم للخلافات العقيمه استغل = سمسار خادم ينفذ اجنده للغُزاه
لاخير فيمن تدرا ء للعدو واستذل = حاقد اناني ضعيف النفس شُلت يداه
اذا تحطم وطنكم لن تلاقو بدل = عز القبيلي بلاده ارث جده واباه
لابد عقول اليمانيين تاتي بحل = لاتقبلو شعبنا المقدام يتبع عِـداه
احنا اتحدنا لامتنا اعدنا الامل = نجم العروبه بوحدتنا تعلى سماه
واللي وقف ضد وحدتنا جنى للفشل = صفعه تلقى بوجهه خاب في مُبتغاه
سفينة المجد لابد بالسلامه تصل = في يد قبطان ما واحد وصل لامداه
شعب البطولات لن يرضي يذل البطل = دامه لذا الشعب وافي ماتزحزح وفاه
والفسل لاخير نامل فيه ولامتسل = من بالعواصف بيجري خلف قارب نجاه
يكفي مطامع افيقو ياعيال الحمل = يكفيكم اللعب عالموجه بكل اتجاه
شليتم الامس حمل القافله والجمل= ماللورع حبل بايديكم ولا انتم تُقاه
مطلع ومنزل بتلصو نارها والذبل = تبكو الضحيه بدمع الزيف وانتم جُناه
لاوين تشتو يمنا بالمتاعب يصل = امانة الله كفو هرجكم مانباه
ياحفاد بلقيس هبو للبناء والعمل = والعمر وقفة وفيها العز طول الحياه
صلو مع الماطري توفيق عدد ماهطل = مزن السحايب على الهادي تصل لاثراه
توفيق الماطري = نييوورك

روووووووووووووعه يآآآآآآآملك

تقبل مروري

شاعرنا الرائع والمبدع المتالق دائما الاخ توفيق الماطري
دائما رائع في كل ماتطرحه وهاجسك دائما يسلسل الابيات باطيب المعاني
وقوافيك الصادقه والوطنيه دائما اكبر دليل على رفعة الكلمه ومبادئ المنطق
وحسن الاسلوب
كتبت فابدعت واقراءنا فاستمتعنا في كتابتك
اسجل اعجابي في مروري المتواضع ولك تحيتي وتقديري

لن نرتضي شعبنا الواحد يقسم شلل = الكل منا لهذا الشعب عمق ولاه
لاترهقو الشعب يالساسه بكثر الجدل = ذي عمق الشرخ في شعبي وزود بلاه
لاتمسكو في حبال المعمعه والخلل = لاتصبحو مثل العوبه بيد الوشاه
الوضع مازوم هذا الوضع لايُحتمل = صار المواطن رهينه ضاع زاده وماه
لاتهدمو السقف عمدا حسب قول المثل = يستاهل البرد من ضيع بنفسه دفاه
بالاعتصامات كأن الشعب في معتقل = ما بالتصادم يحقق شعبنا مبتغاه
عدوكم للخلافات العقيمه استغل = سمسار خادم ينفذ اجنده للغُزاه
لاخير فيمن تدرا ء للعدو واستذل = حاقد اناني ضعيف النفس شُلت يداه
اذا تحطم وطنكم لن تلاقو بدل = عز القبيلي بلاده ارث جده واباه

ابيات لامثيل لها صح الله لسااانك وصح الله بدنك يا ابن الماطري
اتمنى لك المزيد من التقدم والزهي الى الافضل دائما
التنبيهات خاربه والا لكانت اول من ترفع اليه اشكرك