الى كل شعراء اليمن اغلى وارجو الرد حالآ

المشاركة الأصلية كتبت بواسطة الشاعر يحي دهمش

السلام عليكم ورحمة الله وبركاته

هذه القصيده موجهه الى كل شاعر في اليمن اغلى
ومنتظر الرد
لا ياوجودي وجد من بوه تعبان == يشكي ومن كثر الشكا جف ريقه
وجد الذي قد جزّع الليل سهران==وجالس لحاله كنّه امي عتيقه
وياوجودي وجد من بات حيران==محزون من طعنة اخوه وشقيقه
يابن شهاب اسمع ترى خوك طفشان==اريد منك حل باية طريقه
ياخوي انا من باطل الوقت زهقان == القلب يشعل كن وسطه حريقه
سافرت في خمسه وعشرين شعبان== لا غربة(ن) ماهي علينا شفيقه
رحت اغتربت وسبت اهلي والاوطان== وانا فراق صويحبي ما اطيقه
قدلي ثلاث سنين مرت الى الان== اعدها بالثانيه والدقيقه
ياصاحبي قلبي من البعد ولهان== شوقي لخلي زاد بالقلب ضيقه
جسمي نحل بالحيل واصبحت سامان== واصبحت غارق في البحور العميقه
زرت الطبيب وزرت دكتور الاسنان== قالو علامك قلت عندي شقيقه
يعني وش اشتي اشتي علاج تعبان== وصفه من خدود الحبيب ورحيقه
قالو توكل يا ولد انت سكران == ماعاد راسك يحتمل ونّ قيقه
خرجت وانا ناحي الراس خجلان == ماكني الا ماخذ(ن) لي سريقه
القلب كنه فجرو فيه بركان == والعين فاضت بالدموع وغريقه
ابغى الجواب ومنتظر رد يا اخوان== ويش الدواء يا اهل القلوب الرقيقه

واختم بذكر المصطفى سيد عدنان== ياحظ منهو قد مشى في طريقه

يارب يارحمن ياعالم الشان == خارج ونفس عالمضيق مضيقه
ووفقه بالصبر فالصبر برهان== والفايده بالصبر توقع حقيقه
للشاعر البداع بارد انا الان == وادي لبن دهمش لحاله طريقه
المغترب ياصاح بالفعل تعبان == لاكن بالغربه فوايد عميقه
والدهر يتقلب له اشكال والوان == فيه البلا والخير واشياء مشيقه
وانا انصحك لله ذا انت تعبان == لا تلتفت للخلق فالخلق عيقه
ادعه اله الكون دعوه بايمان == هو الكريم الحق رزقك يسيقه
وان والدك تعبان والبعد حرمان == الله يردك له بصوره انيقه
ترجع الى اهلك وصحبك وجيران == ويسعدك ربي سعاده مشيقه
اصبر وصابر واحتسب اجرك اطنان == من عال اسره كان ربه رفيقه
وان عاندت ايام فالدهر ازمان == فيه الحلا والشوم ماشي يعيقه
لا تستمع ياصاح لا شخص غلطان == لا شاف فيك الهم زاد الحريقه
احنا في الغربه ونشتاق الاوطان == ماشي مهاجر موش روحه رقيقه
ياكم نعاني كم نشوق للوطان == كم يا تمني كم بنهده عميقه
ياكم تذكرنا الطفوله باشجان == وكم تذكرنا الحياه السميقه
ياكم تمنينا وذا الهجر ماكان == وكم نحن لارض الاصول العريقه
لاكن في الاخر قناعه وبرهان == نرضى في المكتوب احسن طريقه
الله باقي للجميع رب رحمن == والرزق مكتوب البشر بالوثيقه
ما يخلق الانسان الا بتبيان ==الرزق والاجال قبل الخليقه
صلو على المختار ما شنه امزان == وما يلمع البراق بطن الغليقه
والا ل والازواج واجواد صحبان == لا ننحرم من حوض طه رحيقه
شرف الدين فاضل