|
|
|
|
|
|
18-03-2010, 08:53 AM
|
#2 |
|
  
تاريخ التسجيل: 24 - 1 - 2009
الدولة: niagra falls ny USA
المشاركات: 23,736
معدل تقييم المستوى: 100   |
رد: ملف رقم 2 للشاعر شرف الدين فاضل (سلطان القوافي )
القات
يارب الارباب يامن للدعاء تسمع ===================من فوق عرشك تسمع والدعاء سماع لا مرتفع فوق من فوقك ولا ارفع ====================والنفع والضر منك وانته النفاع يامكتفل بالبشر والكون هذا اجمع ==================يامطلع بالقوب ياجامع لاجماع الذره الماشيه يامن لها تسمع ==================وما بصم الحجر ضايع عليك ما ضاع اقبل دعائي واقبلني بما ينفع =====================واهد شعب اليمن للخير بالا قناع وصل يالله علا من للبشر يشفع =================== =محمد المصطفى الهادي لنا شفاع قال ابن فاضل اتا هاجس وقال اسمع =====================هاتو لي الحبر والدفتر مع الايراع با انضم قوافي واسرد من بحور اوسع ====================ترجم وترجم معي يالهاجس الاوضاع انا ااحب اليمن من حبها ما اقنع ====================روحي بها ما تفارقها زمن او ساع مهما تغربت او سافرت بانرجع ================== =نرجع نمتع ونفرح والوطن مرجاع ومسقط الراس مايجفيه غير اخضع ==================== ولا يناساه غير العاق ذي ما طاع حبه بقلبي ملك روحي واترعررع ====================الجسم هانا وروحي بالوطن سجاع لاكن في خاطري جمله بتتفرع =================الا جمل عابره بالشعر تشتي اسراع القات ياقوم خلا الشعب يتجعجع ===================وولد الجوع زاد الجاوعي جواع وبدل القوت بالربطه وما تنفع ==================لو يطلب ابنه طلب قال الولد قد صاع حتا ولو للطلب حاجه ولا يسمع ===================ويلك من الله ارفق باسرتك يا راع وكيف قلبك يحمل تبذل المجمع ===================علا شجر ضر ماشي منها انفاع ارفق باهلك واتعبد واتضرع ==================وصل فرضك بوقته والسعاده ابتاع لا تشتري لك هموم الراس يتصدع ====================ويوم تبذل تندم عا الذي قد ضاع لا حض وشوف المخزن كيف يتبع بع =====================يهرج ويبني ويكتاله ذهب لماع يبني بنايه رفيعه طولها مطلع ==================وحين يبذل يجي وانه بتحت القاع يرجع ينتف شعاره بالنهايه اصلع ===================صلع وهو ما ذكر ما سبه الصلاع واعذروني انا ما قصدي اتليوع ==================ولا الوم احدا مخصوص او بياع الوم نفسي وقبل الناس اتورع ==================واسال الله يجعلنا من السماع هيا معا كلنا نوقف ونتجمع =================نوعي وننفع ونتكلم الا الزراع فيا مزارع امانه عن خطاك ارجع ====================بدل وحول وازرع زرعك النفاع ويا مواطن تغير للامام اجزع ================= اعمل وابنه وشل العافيه في ساع يازارع البن خل البن يتزرع =================وهات بن اليمن وصدره باوساع اسم المخاء كم رفع راسي وكم رفع ====================لمن قريته بامريكاوصيته شاع وازرع لنا الارض من اثمارها لانفع ====================التين والليم والاعناب ذي تبتاع والجوز واللوز والتفاح ياخي ازرع ==================وحارب الجوع والامراض والاوجاع مصيبه القات خلت شعبنا ينتع ================هذا مسمم وهذا من يديكم ضاع ياهل ترا كم من الفيروس يتوزع ==================وهل علمي علا كم الورم قد شاع سموم تقتل تخلي الجسم يتقطع ===================والناس تاكل ولاتهتم بالقطاع هل من سمع للحزينه عينها تدمع ===================تبكي وتبكي وتتنهد علا ماضاع هذه تقول زوجها اصتاب واتجعجع ===================اصابه السم واصبح بالفراش نزاع وذيك تبكي علا من صابه الابشع ==================واصبح معوق وكم نزال وكم طلاع ياغارت الله ياشعب اليمن اقنع =================اقنع من القات واتعمل بديل نفاع مابش يماني يقولو قط ما اتولع =================ولا بقصدي اخرب ولعت الولاع لاكن قصدي احاول عن خطاي ارجع ====================واكون اول مبادر بطل الميداع وبطل القات والدخان واتراجع ==================من دون ماحكم او قانون او شراع وصل يالله علا من للبشر يشفع =================محمد المصطفى الهادي لنا شفاع ارجو ان تنال القبول من الجميع اخوكم شرف الدين فاضل
__________________
  (( سلطان القوافي )) |
|
| مواقع النشر (المفضلة) |
| الكلمات الدلالية (Tags) |
| (سلطان, للشاعر, ألف, الدين, القوافي, رقم, شرف, فاضل |
|
|
العرض الشجري