عادها فرصه معك........ لعيونكم

لاتزعلك الصراحه مايجيب الصدق الا آدمي مجروح

حطمت قلبه جراحه وابتلى بالعشق واعطاك الجسد والروح

انت في راحة وهو متعوب

عادها فرصه معك.... لوباتبدل طبعك المقلوب

كنت من اهل السماحه شوف بالعين الخطأونقول لك مسموح


زلتك عندي مباحه يومنا حبك ولاقصدي بسرك بوح

منتظر انك تجي وتتوب

عادها فرصه معك .... لوباتبدل طبعك المقلوب

الثقه في الحب راحه اعطنا بعض الثقه واظهرلي المشروح

خاب حب بعده شراحه لاتخلينا كذا دايم نجي ونروح

نشرح الموسم وهو مصروب

عادها فرصه معك....... لوباتبدل طبعك المقلوب

الهوى يبغى كلاحه لاتسلم له بما خط القلم في اللوح

عادها بعد المساحه مايقريها الدعاء والسحر والتمسوح

من قطعها حصل المطلوب

عادها فرصه معك ...... لوباتبدل طبعك المقلوب

شراحه:حراسه

مصروب: محصور

كلاحه:وقاحه

التمسوح: مايدرج على رأس المريض

مماعجبني وكتبته لعيونكم

للشاعرحسين ابوبكر المحضار