قصيده عن حرب صعده للشاعر الخولاني مجيب الرحمن غنيم

اتنشد من حـرب صعـده كيـف جـت

.ومـن مـن النـاس كبرهـا ونماهـا

وإي الجهات التـي وقفـت معـه وادت

منهو ذي دعمهـا ومنهـو ذي تبناهـا

وإي الدول من كرهت الفتنه ومن حبت

من بالثقيل والخفيـف والمـآل غذاهـا

وكيف بدأت كذا فجئـه وكيـف ولـت

وكيف سدو من اضهرها مـن اخفاهـا

كيفه منينه ليـش مانـا قـد اغتجـت

ماقد دريت من اللي الصاها ومن طفاها

النـاس متشتتـه والـرأي متشـتـت

.كلين لـه رأي ثانـي لا قـد ذكرناهـا

واحد يقول هو عمل ايرانـي ذي حيـت

.والخميني ورستـا" جانـي ذي اداهـا

هي شيعيـه شبـاب الشيعـه اتربـت

سيدي حسين حرض الشيعـه وعباهـا

واحد يقول انت غالط لو سمحت انصت

هـذه بقايـا الامـامـه ذي ترعـاهـا

هـذي اماميـة النزعـه وقـد دلـت.

اعمالـهـم ذي راينـاهـا وشفنـاهـا

وواحد يقول انت دبيه ماعليـك اسكـت

حـرام ماتعلمـو وش كـان مغـزاهـا

هذه السياسيـون ان كثـرت وان قلـت

بكـل ماتحمـل الكلـمـه ومعنـاهـا

مابين ذيـه وذيـه صابحـت وامسـت

على كثر الزلـط والمناصـب فهمناهـا

واكبر دليل انهـا مـن يـوم ماشبـت

تطفى متى مااشتى علي وتقوم لا اشتاها

ولا ليـش عنـد مـا للحوثيـه عـدت

باقي جبـل بـس قـد كنـا دحرناهـا

اعلن بتوقيفهـا قـال الرجـال سـدت

خلاص ماقد بقي شـي قـد خمدناهـا

قلدكم الله قدشـي حـرب دامـت سـت

ومن خلال اتصال في الهاتـف انهاهـا

لو اتصـل هكـذا مـن يـوم ماطلـت

الناس سكهت منهـا واحنـا سكهناهـا

بصراحـه كـل القبايـل انهـا شـدت

وكثـرت ارأ شعبـي حـول فحـواهـا

فتنصه عويصه على شعب اليمن حلـت

عجيـن فـي الارض واحنـا عجناهـا

با اكلـم الجانبيـن ماعـاد بانصمـت

وانـادي الكـل يسـراهـا ويمنـاهـا

ارض اليمن في دبـور الفتنـه اهتـزت

ومثلمـا انـتـو لعنتـوهـا لعنـاهـا

ليـش نـار العـداوه بيننـا صـبـت

واحنـا بنـي عـم بالايمـان نتباهـا

قد عندنا افكار حوسـا بيننـا اتفشـت

..تحـل سفـك الدمـاء فينـا واياهـا

الحوثيه عن طريق الحـق قـد ضلـت

تقـول باقـوال مضحـك لاسمعنـاهـا

افعالهـا تنفـي الاقـوال التـي بثـت

.كـل الشعـارات التـي ادو مالقيناهـا

قالو الانصار هم من في القتـال يثبـت

من يقتـل عسكـري بالخلـد مثواهـا

ما لا قتل حقهـا القايـد فقـد صحـت

مضمون بايسكن الجنـة فـي اعلاهـا

جنة حسيـن وسـوق الطلـح تنبـت

ماجـنـة الله حــرام بالله مـاراهـا

الموت لاامريكا لامـا يتشـوف الميـت

وانـه محمـد اخـي ولا علـي طاهـا

هذا جنان بطلو هـذه الامـور اعمـت

بعض الشبـب لاخيـر فيمـن اعماهـا

امـا الحكومـة فكبـدي منهـا زمـت

فيها مرض شك مدري من اللي اعداهـا

هذه جماعـه خطيـره عننـا انشقـت

بتهـدد البـلاد مـع معضـم اعضاهـا

حوثـي وهـذا مخـرب شـر بيبيـت

ولا تقـول انفصالـي حسـب دعواهـا

اضرب ودمر اليك الرجـل بمـا شلـت

بالطايرات وا لصورايخ فوقهـم هاهـا

وان بـه نـاس حوثيـه قـد اتخبـت

وجالسهـا مختبيـه وقــام بـداهـا

مابـه عدالـه عدالتهـا قـد اختـلـت

لانضـاء الغشـام القانونـي لا هانـا

لاطـورت مثلمـا قـالـت ولا رقــت

ولا اعطت هذا الشعب نصف مااعطاهـا

كـم يامواعيـد توعـدنـا ولا وفــت

مابلا تصرف حكاوي من طـرف فاهـا

ماحوقت الا الجـرع ذي فوقنـا حلـت

لاعـاد تنسـى ولا احناقـد نسينـاهـا

صارت كوابيس من كل الجهـات هبـت

مـن قـام يدبـر ومـن نـام تراياهـا

قـد بانمـوت والخبيـر يـزر ويفلـت

لا موت النفـس لا رحمـه ولا احياهـا

مجيب الرحمن شاعر مميز
وكاتب الموووضوع كمان انسان مميز تسلم

[align=center]
[rainbow]
اشكرك اخي جمعان من كل قلبي على المرور الرائع ولك مني اجمل تحيه
[/rainbow][/align]

شكرا على النقل الجميل والشاعر الاصلاحي مجيب غنيم شاعر معروف في الساحه
تقبل مروري

صح الله لسان مجيب ابات في غاية الروعه

تقبل مرور اخي حنتش

اشكركم على مروركم الرائع