راح الزمن الاول والحال اختلف شفنا بها الانذال تحكم ع الشريف

ياااااااااقهر قلبي ياعدن والله أسف
كم من رفيع الخُلق مايلقى رغيف

والسرق ذي فيها ياكل من طرف
*والخاين الملعون يغرفها غريف

راح الزمن الاول والحال اختلف
شفنا بها الانذال تحكم ع الشريف

اهل الرتب بتنام في أرقى الغرف
والعسكري الطيب نايم ع الرصيف

كانت عدن بالامس ذو نخوه وشرف
واليوم صاره الناس تدعس ع الضعيف

اتغيرة لحوال والشعب انحرف
ماحد بها مرتاح من قلبه نضيف

في عمق بحرك ياعدن لولو بصدف
ومايطفو فوق الماء الا كل جيف

كم من عزيز ياناس للدمعه ذرف
يشكو غلا الاسعار والحال المخيف

قلت الذي بقلبي وهذا هو الهدف
ياااااسعد من يرحل من الدنيا خفيف

قلت الذي بقلبي وهذا هو الهدف
ياااااسعد من يرحل من الدنيا خفيف

صح لسانك وبدنك يالغالي أجمل تشخيص لواقعنا ومعاناتنا دام عطاؤك. والف تحية لك

صح لسانك يزول الظلام ان شاءالله