يا خوي

ياخوي انا بعطيك للعلم تفصيل
وأرسم لك الأهداف وأعرف قطرها
الحنظله لوهي على جاري السيل
تنقص حلاوتها ويكثر مررها
ومجالس الأنذال والقال والقيل
مثل السهوم إلي سريعٍ خطرها
إنشد عن الأجواد ذبّاحة الحيل
وإجلس مجالسها وساير ديرها
النذل لايلقى علينا مداخيل
وسود الليالي لاتجي في نحرها
واصل حبال مقطّعين المواصيل
لين الليالي السود يطلع قمرها
خلك مع اصحابك بعيد المناويل
لاتبدي أسرارك لمن يختبرها
ترى أكثر الأصحاب قومٍ حناشيل
ماعاد تعرف صوفها من وبرها
أخذ الصحيح وكب عنك التعاذيل
نصيحةٍ من شاعر لك سطرها
تجاربٍ ماهي هروج وتماثيل
حكمة حكيمٍ قالها واختصرها.

صح لسانك ويعطيك مليون عافييييه...!!

دام عزك يا قلم
شاعر ماربي فحل ارق تحية

واياك مشرفتنا الغالية

عزك الدايم يا اغلى وطن

صح لسانك

يعطيك العافيه

الله يعافيك

1

موضوع في قمة الروعه لطالما كانت مواضيعك متميزة
لا عدمنا التميز و روعة الاختيار
دمت لنا ودام تالقك الدائم

رووووووعة
الله يعطيك العافية