قصيدتين ظريفتين واحدة ضد القات والثانية مؤيدة للقات

قرأت هذه الابيات الظريفة بين شاعرين وحبيت انقلها لكم طبعا مش انا دارية منهم الصدق بس القصة انه واحد ضد القات وواحد مع القات
اتمنى تعجبكم

الشاعر الاول قال :

خدرت كلمت نفسي
كم جهدي اصبح وأمسي
بالقات وشيشه وببسي
كيف الخلاص والقناعه
...................
اليوم لازم اقرر
لا قات ولا عاد اقرقر
واواتي القرش واعمر
اربع عمارات وقاعه
..................
فكرت
بعد الغدى ايش اسوي
بسرت حده الوي
فشفت حاجات تغوي
وقت صلاة الجماعه
.................
حده شوارع طويله
في البنات الجميله
واعيان سودا كحيله
جننت في ظرف ساعه
..................
حده بها ذاب قلبي
ﻷنني ولد عزبي
فخفت اجنن وجنبي
بنات نقص المناعه
...............
ليس الوي من صفاتي
وين شيشتي وين قاتي
يهون عليا مماتي
ولا الوي والصياعه
.........

والشاعر الثاني رد عليه وقال :

القات اكبر مصيبه
شعب اليمن قد بُلي به
ايش الحلول الصويبه
حتى يتم اقتلاعه

والمولعي كيف يوفر
وبطن ابنه تقرقر
وللغدا ما يدبّر
بالبيت صارت مجاعه

مافيش حق الزبادي
وعنده الامر عادي
وان مد يده لغادي
يستعطفه في براعه

يقول له: اخوك محتاج
ارجوك من غير لغاج
حق العشاء مافي احراج؟
وانه بيلوي ذراعه

وزوجته بالعناية
مرضت لقل الوقاية
تعيش تحت الوصاية
وهو يدور سعايه

القات كم هان معزوز
خلاه تايه ومدلوز
وبالثقة صار مهزوز
بالقات بدّل جياعه

وسلامتكم

صح لسانهم.
راقي لي. واكتبست. هذا
يقول له: اخوك محتاج
ارجوك من غير لغاج
حق العشاء مافي احراج؟
وانه بيلوي ذراعه

لكونه. مثل. حي وعامر. ويت عايش معه اغلب. الباحثين عن القات.

الله. يفكنا هاالشجره الخبيثة.
الي صارت. علامه استفهام. عند كل يمني.
حتا الي باالخارج. اول مايسئلك. انت يمني
تأكل قات. والا. ليش. شلتو البن. وزرعتو القات. ومن. هاالاسئله
للاسف. الي اغلبها.تتمحور. في القات. ومشاكله.


مشكوره عروبتنا. للطرح.
يعطيك. العافيه.




ولاهنتي.

هههههه حتى المولعي قصيدته حالية وظريفة

تسلم سلامي على المرور

والله يخارجنا بس

نقل ممتاز وجميل شكراً لك بنتي عروبة
وأنا من الذي يحاربون شجرة القات الخبيثة الذي كانة وراء تخلف وأضعاف اليمن واليمنيين تسلمي يالنشمية

روووووووووووووووعه تسلم اناملك يالغااليه ع النقل المميز

مجهود رائع
دوم العطاء و النشاط الدائم
ودي