رد العبيدي - على قصيدة الشاعر امين النصيري

المشاركة الأصلية كتبت بواسطة العبيدي

يااااارب انا بدعيك راجي تقبل .... إغفر ذنوبي يا كريـــــم والزله
ما مشكله إلا لها عندك حــــل .... وان ضاق أمر العبد يالله حـلــه
أنت الذي تعطي وانته من شل .... إن شئت عِز العبد ولا ذلـــــــــه
عجل ولو إنك صبور ما تعجل .... يارب لا تجعل لظالم مـهـلـــــــه
من بعدها يا هاجسي إتبلبــل ....واهدي تحياتي لكل الـشـلـــــــــه
لليافعي والفهد حالاً توصــل ....باجمل ورود الكون هذا كـلـــــــه
والشاب مابنساه ذاك الافضل ....وللجنوبي وحدوي توصل لـــــه
وابن العبيدي ذاك ذي يتزومل ....مانساه لانه جيد مابه خـُلــــــــه
البارحه ياقوم أمسيت أكـلـل ....ونوم عيني من عيوني رَحـلـَــه
خايف على ارض السعيده تشتل ..وايران ف الاخر تكون القبلــــه
خير الكلام ماقل وطيبه مادل ....ومطلبي منكم دواء لـِلـعـِــــلـَــه
ثم الصلاه تغشى النبي المرسل...محمد المختار دايــم واهــلـــــــه

مشكور اخي امين النصيري على هذه القصيدة الرائعه
وهذا رد متواضع مني لك ارجو ان تنال اعجابك
رد العبيدي

عبدك ترجاك يا سامع لذي يسال == تغفر ذنوبه وتشفي ذي معه عله
يا من لك العلم لا تسهو ولا تغفل == يا سامع الحوت وسامع خطوة النمله
حقق لعبدك مراده وانت ما تبخل == يسر اموره وما اتعقد لنا حله
يهنى بنومه ويسعد ساعة المقيل == ينسى همومه وما به من تعب جله
حي النصيري وحيا خطكم ذي هل == فيه الكلام المعسل والحلا كله
ذكرت لصحاب ذا تاجي وذا افضل == هامات قامات من امثالهم قله
مني تحيه لكم ما الماطر ايهطل == وامست سيوله في الاشعاب والحله
ارض اليمن يا عزيزي قبر للمحتل == مهما يخطط ويحلم صاحب العمه
الوضع ساري وباذن الله يتعدل == لا يشغلك يا نصير ي واهي المله
الفي صلاتي على احمد خير من ارسل == واله وصحبه واتباعه لهم جمله
العبيدي

صح الله لسانك يا شاعر المنتدى ولسانه الطلق

احييك اخي ابن العبيدي على سرعة الاستجابه

وماشاء الله رد وقيص وما يحتاج

صح الله لسانك ثانيه وثالثه

وصح الله لسان صاحبنا ابن النصيري


خالص ودي