بلا كهرب ولا بيجر ولا غازٍ ولا نقّال

الا يالله عفوك لا معي بيجر ولا جوال
ولا عندي وضيفه والتجاره فاشلٍ فيها

ولاعندي شهاداتٍ ولاحرفه تسد الحال
ولا حظٍ كبير لا اخطت الجره يقديها

مخابي الثوب تومي مادخلها من زمان ريال
بها فاتورة الكهرب ولا يمديني اقضيها

علىذيك العراوي تتعب الحادي مع الجمّال
ثلاث اشهور فالورشه وشهرينٍ مغطيها

ابيها لو تجمّل يوم واجلبها على الدلاّل
يجيها واحدٍ حظه مثل حظي ويشريها

نصيت العسكريّه يوم قالوا للنظام رجال
وقدّمت الملف وصورةٍ متشخصٍ فيها

خذا الاوراق مني واحدٍ ما عند ابوه دلال
سلوم الناس واهل المعرفه والطيب مخطيها

قراها في دقيقه والتفت عجلٍ علي وقال
شهادتك العظيمه يا ولد وين انت مخفيها

هزّيت الراس ماعندي تقول اني من البنقال
وقمت احب خشمه واطلبه بالله تمشّيها

حذفها من يده شين الطبيعه والنبا والفال
وقال ازين تعوّد صوب نوقاتك تعشّيها

تناوشته من الكرسي وعفت الحل والترحال
وضربته بالبياله عقب ما بيّحت شاهيها

خذوني للسجن لا نيب لا ظالم ولا محتال
مجرّد واحدٍ جا يكحل عيونه فيعميها

ويوم اني خرجت اقفيت لارض الله وسيع الجال
على برٍ هواه يداوي العلّه ويبريها

بلا كهرب ولا بيجر ولا غازٍ ولا نقّال
قوانين الحضاره لا تبي شوفي ولا ابيها

العراوي : سياره الونيت قديم جدا

الشاعر سعد بن جدلان افضل شاعر معاصر ان لم يكن الاول في السعوديه والخليج
مع احترامي للشعراء من شيوخ وامراء ومواطنين هاذا اسطوة الشعر
والي يحب يناقشني ويقلي فلان افضل مستعد للحوار

جميل

تسلم يدك والله يعطيك الف عافيه

هزّيت الراس ماعندي تقول اني من البنقال
وقمت احب خشمه واطلبه بالله تمشّيها

حذفها من يده شين الطبيعه والنبا والفال
وقال ازين تعوّد صوب نوقاتك تعشّيها

سلمت سجين على نقل القصيده ووصف الشاعر لحاله

المشاركة الأصلية كتبت بواسطة اوراق منسيه

جميل

تسلم يدك والله يعطيك الف عافيه

اخت اوراق كل حرف وسام الف شكر ياذوق

المشاركة الأصلية كتبت بواسطة رياحين

هزّيت الراس ماعندي تقول اني من البنقال
وقمت احب خشمه واطلبه بالله تمشّيها

حذفها من يده شين الطبيعه والنبا والفال
وقال ازين تعوّد صوب نوقاتك تعشّيها

سلمت سجين على نقل القصيده ووصف الشاعر لحاله

الله يسلمك اخت رياحين نورتوا القصيد وحروفه

قصيده في منتهى الروووووووعه سلمت

المشاركة الأصلية كتبت بواسطة الشرقيه

قصيده في منتهى الروووووووعه سلمت

الف شكر على تواجدكم يا ذوق

كلمات معبــره
يعطيك العافيه على نقل القصيده

دمـــت بـــــــود

المشاركة الأصلية كتبت بواسطة أكليل الورد

كلمات معبــره
يعطيك العافيه على نقل القصيده

دمـــت بـــــــود

الله يعافيك وهاذا من ذوقك

نورتي وتواجدك يبهج الحروف

ابيها لو تجمّل يوم واجلبها على الدلاّل
يجيها واحدٍ حظه مثل حظي ويشريها

صح الله لسانك ولسان الشاعر الكبير سعد جدلان بدون ادنى شك من الشعراء الكبار سلمت يمناك ولاعدمناك دمت بحفظ العلي القدير