هذه القصيده مني للشاعر محمد علي مثني احمدالاضرعي

.................................................. .
يامرحبا مليون مليار ترحاب
وزن الجبال الشامخات الصليبه
ما لآح براقه على روس الاشعاب
واسقى البلاد المجدبه والخصيبه .
بمن ترعرع بالسماحه والاداب
الشاعر الدكتور بانحتفي به .
نجل الجمالى يحفظه رب الارباب
على مثنى الجيد هامه وهيبه .
بلغ سلامي له مع زين الاطياب
يرتش في ثوبه ويمسح عسيبه.
وارجع على اولاده رجاجيل واشناب
وانعم وحيا يالوحوش المنيبه..
تاريخكم معروف للشيب والشاب
ياقوم كم فيكم جواده وطيبه
وفيكم من النخوه ومن فخر الانساب
والقبيله ماهي عليكم غريبه
ماجيت اجاملكم ولا كنت كذاب
بيني وبين المدح خصمه عجيبه ..
ما هل لتوضيح الدواعي والاسباب
وكيف القريب اليوم يغدر قريبه ..
في ذا الزمن شفت العجايب والأعجاب
من قهرها قدني مصلع وشيبه ..
وعرفة صحبة كل غادر وعياب
صحصحت لكن بعد حسره وخيبه ..
وشفت ناس"قد لهم عدة ألقاب
يتلونو في اليوم مثل الحريبه ..
وناس مهما اكرمتهم مثل الاغراب
يتنكرو لا عندك ادنى مصيبه ..
وناس تصحب مثل سارق ونهاب
كالذيب يتلحم من اطرف زريبه ..
وناس يتجمل ولو باع الاثواب
وناس شفته حق بطنه وجيبه..
وناس تزعل في غيابه متى غاب
وناس تروح خلف الشموس المغيبه .
وناس خرسا مجفيه مثل الاكواب
ما تعرف اين الصالحه والخريبه ..
فإحذر على نفسك من الناس الاذناب
حتى ولو قالو رضع من حليبه ..
مايجلبو غير المواجع والاتعاب
خلف الحسد ذي مختبي في الحقيبه
ماتدري الا وانت بين شلة ارهاب
هذا يقطع ذا وهذا يعيبه
ماهل عصابه كلها اظراس وانياب
يتناوبو حولك كتيبه كتيبه..
لا والذي سواك من طين وتراب
ماهي محبه بل مصالح رهيبه..
لاجل المصالح تنكسر روس واقطاب
ولو تطلب المريخ قالو نجيبه ..
مادمت مثل البحر فياض صباب
الكل يجعل لك مكانه وهيبه ..
نكارة المعروف كانو على الباب
اليوم ردوها نمامه وغيبه ..
لابد ما تتعبرو ياهل الالباب
وكلين يعرف صاحبه من حبيبه..

وشكرا

ابيات رائعه والله

تسلم يالاضرعي

اشكر ياابو اصيل انت والاخت رهوفه
على ردودكم الاكثر من رؤؤعه تحياتي
لكم اخوكم ابن الاضرعي