امثال باللهجه الصنعاني

امثال اللهجه الصنعانيه


مش كل البرم لسيس
وهذا مقابل : ماكل ما يلمع ذهبا ..
البرم واللسيس من انواع الحبوب


سارق وبيبهرر
مثل يطلق على الذي يرتكب الخطاء ويحاول الدفاع عن الغلط
ومعنى بيبهرر :: هو الذي يفتح عيناه ليخيف من يجادله



من ساير الدجاجة دخلته المدج
ان النتيجة اللي بتوصل إليها لها سبب
ساير=صاحب
المدج = بيت الدجاجة



مطلب ويشتي سبايه
المعنى
المطلب : هو المتسول
السباية : هي خبز كبير الحجم معمول بالسمن والعسل الأصلي مع الحبة السوداء والبيض ـ
أي أن هذا الشخص المحتاج جداً ولكنه يزيد في الشروط ولايرضى بما أعطي لة



صفاط عبدالغني
هذا المثل يرجع الى قصه زوجه كانت تحاول ممازحه زوجها عبدالغني وكان دايما يرفض المزاح معها واخيرا في يوما من الايام كانو في الجباء =السطوح وبدات تمازحه فأخذ هو يتجاوب معها ويمازحها فقام يدهفا من الجباء ونكعت وماتت,, نكعت= سقطت



أدكمة يعرفك
ويدعو هذا المثل إلى التعامل بالعنف مع الاخرين، لكي تكسب احترامهم، مع أنه بالامكان كسب
الاحترام بطريقة أخرى وسيكون احتراما أبديا بدلا من المؤقت.



من أكل بالثنتين اختنق
وهذا للشخص الذي يريد كل شئ في نفس الوقت




من ما يجي مع الحريوة ما يجي بعدها
معناه فات الاوان
الحريوة: العروسة ، والعروسة لما تتزوج يكون معاها (كسوة) ملابس وذهب وكل شي جديد ، والقصد ان لم يأت هذا كله حال زواجها ، فإنه لن يأت من بعد



لوما سعيده لبيت ردم ما زد بقي ردمي
اولا قصة المثل
بيت ردم احدى مديريات محافظة صنعاء و هي تابعة الى بني مطر في التقسيم الاداري
سعيده اسم بركة ماء كبيرة جدا في تلك الناحية
و في فترة سابقة قبل الثورة حصلت حرب قبلية بين و كانت بيت ردم طرفا فيها و لكن بفضل تلك البركة صمدوا في حربهم و انتصروا
و يستخدم المثل اذا اتاك شخص مغرور و ادعى انه هو سبب نجاحك و لولا وجوده وجهوده فانت لا شيء
عندها يقال هذا المثل للشخص المغرور



اللي يجي بغير داعي يجلس فوق القرداعي


القصد هو الشخص الغير مدعو إلى إحتفال ما وحضره ، فإنه لا يكرم بالجلوس في مكان يليق به !



سراج مطفطف ولا الغدره
الغدره يعني الظلمي/ الظلام



فديت الوش الي قفاء
في حاله الشخص الذي يعدك يشي ولا يفي بوعده فيقال له هذا المثل



من حنق على غير امه سلي
حنق =زعل
والي يزعل من والدتة فأنها سوف تحاول ان تصالحه وتجبر بخاطره اما لو يزعل المرء من شخص ليس بوالدتة فلن يأتي احد لمصالحته


لا تربط حمارك جنب حمار المدبر يدبرك بدبوره
هذا المثل يدعوا الى الفرقة ومفارقة الأشخاص قليلي الحظ في الدنيا مع أنه ليس لهم
في الأمر لا ناقة ولا جمل، وهذا غير جائز، فما ذنبه في ذلك، ولماذا التصرف معهم ونبذهم
بهذه الطريقة.



فتحنا للدمي يتشقر دخل يرقص
اي انك تسمح لشخص انو يدخل بشي يقوم يعجبه ويتحكم بهذا الشي
..

من حنق على غير امه سلي
حنق =زعل
والي يزعل من والدتة فأنها سوف تحاول ان تصالحه وتجبر بخاطره اما لو يزعل المرء من شخص ليس بوالدتة فلن يأتي احد لمصالحته


أي والله من حنق على غير أمه سلي ههههههههههههههههههه

رووووووووووووووعة يافارس الأحلام
منوووووووووووووووور بطلتك من جديد وسلامة الغيبة أخي ^^



فديت اللهجة الصنعانية والحلا فيها ^^

يااااامية الف مرحبا فيك ياصنعاء
وبنت صنعاء على اطلالتك العطره
ومرحبا في اهل صنعااء كلهم
واليمن ومنتديات اليمن

حيااااااااااااك وأبقااااااااااااااك اخي فارس منورنا

امثال رووووعه

وهي حق اليمن بشكل عام مش صنعاء بس وكلنا بنقولها

مشكور

أدكمة يعرفك
ويدعو هذا المثل إلى التعامل بالعنف مع الاخرين، لكي تكسب احترامهم، مع أنه بالامكان كسب
الاحترام بطريقة أخرى وسيكون احتراما أبديا بدلا من المؤقت.

ههههههههههههههه
والله هذا دائما اسمعه
يسلموووووووووووو

حلو نتعلم امثال صنعاء
كلها امثال حااااااااااااااااالية

فتحنا للدمي يتشقر دخل يرقص
اي انك تسمح لشخص انو يدخل بشي يقوم يعجبه ويتحكم بهذا الشي

عشان نعرف نحاكيهم بأمثالهم ههههههههههههههه
قد تعلمنا الكلام الصنعاني
تحياتي لك ولاهل صنعاء كلهم