من زود حبّك جيتك بكل ذاتي

من زود حبّك جيتك بكل ذاتي
واشكي غيابك يابعد كل مزيون

خلّك رحوم بحالتي يامناتي
طال الغياب وضاق بعيوني الكون

ليه الجفا وانت الوحيد بحياتي
مدري تغلي أو دلع منك وفنون

يازين ارحم حالتي ياغناتي
يكفي تعذّب واحدٍ فيك مفتون

حرمتني حتى الخشوع بصلاتي
واسهرتني يوم الاوادم ينامون

عقلي ثقيل وكان أحلى صفاتي

وخليتني أمشي مع الناس مجنون

يالغاليه لو في وصالك وفاتي
راضي ولا أقبل غير قربك وممنون

الموت عندك راحتي وامنياتي
ومعك الدقيقه تنشرى بالف مليون

ترفّقيبي لين اكتب وصاتي
واطلب سماح اللي يبي منّي ديون

ومن بعدها لو تحكمين بمماتي
عمري وكل اللي تبينه لك يهون

الله الله ما اروعاها من ابيات جميلة

تسلم يالغالي

روعة مرورم سيدي دائما الاروع والاجمل نقبل خالص تحياتي وامتناني لشخصك العضيم

كلمممآت في قمممة آلروعه ~

يعطيك الف عآفيه~

تسلم يمينكك