كيكة قوس قزح

شوفو كيف تنعمل كيكة





قوس قزح بالصور











































* المقادير:
- علبتين خلطة كيك جاهز أبيض مع مكوناتها (بيض، زيت، ماء)
- ألوان الطعام (أحمر، أصفر، أزرق، أخضر)
- مقادير كريمة الجبن: كوب ونص **دة، علبة جبن فيلادلفيا 300 جرام، 4 أكواب سكر بودرة
* الطريقة:
- نقص 6 ورقات نشاف على شكل دائرة بنفس حجم قاعدة القالب ،و ما له داعي ندهن الأطراف **دة لأنه ارتفاع الطبقات ما راح يكون كبير، يفضل استخدام قالبين بنفس الحجم إذا كان متوفر لاختصار الوقت.. إذا ما كان عندج مكن تكتفين بقالب واحد في كل مرة
- نبدأ بتجهيز خلطة الكيك الجاهزة حسب الطريقة المكتوبة عالعلبة، ليش الكيكه جاهزة؟ أولا لأن العملية بتكون على مراحل وبنحتاج نقسم العجين و نتركها فترة، فلو سوينا الكيك الإسفنجي بنفسنا ممكن يفقد الهواء الي فيه مع الوقت و ما يعطينا الانتفاخ المطلوب، بعدين ما نبي نعقد الموضوع أكثر.. الكيك جاهز لذيذ و إعداده ما ياخذ خمس دقايق!! يكفي الجهد الي بنبذله و إحنا نلون الخلطة.. فما له داعي تتعبون أنفسكم و استخدموا خلطة جاهزة أفضل : )
- نجهز علبة وحدة و نقسم العجين على ثلاث أطباق بالتساوي، نلون كل وحدة بلون مختلف: أصفر أحمر أزرق مثلا
- نبطن القالب بورقة نشاف دائرية و نصب الخلطة الملونة و ندخلها الفرن على حرارة 180 درجة لمدة 10 دقايق..
- نتأكد إنه الطبقة الأولى استوت بإدخال عود خشبي، نطلع الكيكة و نتركها تبرد
- نكرر نفس الخطوات مع الطبقة الثانية و الثالثة
- نجهز العلبة الثانية و بنفس الطريقة نقسمها على ثلاث أطباق و نلونها: أخضر، بنفسجي بدمج أحمر و أزرق، و برتقالي بدمج أحمر و أصفر



- لما نخلص خبز الطبقات الست نتركهم يبردون و نجهز الكريمة بخفق ال**دة مع الجبن لدقيقتين ثم نضيف السكر بودرة و نخفقها
- نقص كرتون على شكل دائرة بنفس حجم قاعدة القالب و نغلفها بورق ألمنيوم
- نشل ورق النشاف من الطبقة الأولى الي باللون البنفسجي و نحطها على الكرتونة الدائرية، طبقة كريمة، ثم الطبقة الزرقاء و بعدها الكريمة و جذي لين نرتب كل الطبقات حسب ترتيب ألوان القوس المطر:
بنفسجي، أزرق، أخضر، أصفر، برتقالي، أحمر




- ناخذ كمية صغيرة من الكريمة في صحن صغير ونتركها باللون الأبيض على جنب
- باقي كمية الكريمة نضيف لها قطرة من اللون الأزرق و نخلطها لين ما تعطينا الدرجة السماوية
- نغلف الكيكة من الجوانب و فوق بالكريمة الزرقا، مو شرط يكون الشغل دقيق جدا، العشوائية شي جميل!! تخيلوا إنه المنظر سما زرقا و ممكن تسوون لها تموجات بظهر الملعقة



- نحط الكريمة البيضا في كيس تزيين و نستخدم راس دائري سادة لرسم الغيوم، أو تزيينها بأي شكل ثاني حسب الرغبة.. أنا حبيت الكيكة تكون بسيطة من بره عشان لما تنقص يكون الشكل الداخلي مفاجأة..



خطوات بسيطة ممكن تضيف سعادة كبيرة للكيكة الي سويتوها : )




منقوول لعيوونكم ^^

الله
رهييييييييييييييييييييييييييييييييبه والله
شكلها جناااااااااااااااااااااااااان والله
لازم اسويها دامها سهله
اشكرك يالغلا على النقل الروعه
والله يعطيك الف عافيه
وتقبلي مروري

يعافيكِ ربي حبيبتي .. نقل موفق ..

لاعدمناكِ ..

شلال دموع
فراشة بعدان
يسعدلي هالطله الحلوه
لاعدمتكم منورات

والله شكلها جنان يسلموا الايادي
ربي يعطيك العافية ويبارك فيك
دمت بخير
ودي قبل ردي

والله بقعد سنه في المطباخ
ههههههههههههه
بس شكله حلووو للاطفال
يعطيك العافيه
تقبلي ودي
نعومة

شكلها مشهي فديتك
بس لوتسويها وترسليها لي يكون أفضل هههههههه
سلمتي يالغلا

الياسمينه
نعومة الورد
سكووون
اسعدني مروركم العطر
لاعدمت هالطله
منورات

وااااااااااااااااااااو
ماشاء الله ،، تجنن
وشكلها مرآ لذيذه
يسلمو دياتك خيتو عذوب
الله يعطيكِ العافيه
تقبلي مروري

ياهلا وغلا فيك ياعسل
منوووره فديت هالطله الحلوه