|
الوعد يوم القيامه يافلانه
إجرحيني لا بغيتي كان لِكْ جرحي إبتسامه المُهم , إنّك تكوني . . يا بعد ذاتي .. سعيده روحي له الحين يالله وإسمعي صوته وكلامه ولا تشيلي هَم قلبي عِيشي دنياك الجديده قولي إنّك ما عرفتي في الحياة , إلا غرامه وقولي إنّك قبل حُبه تمشي في دربك وحيده ولا تجيبي لي طاري . , وتسمعي منّه ملامه سولفي عنِّك وعنّه وصيري عن قلبي بعيده وإنْ بغيتيني تعالي وعوِّضي فيني خصامه وصدقيني في النهايه إنتي وحدك مستفيده دام قلبي من غلاتك ..... إيتفزز من منامه أشهد إنّه حيل حَبك من و ريده لي و ريده وكان همِّي بس أشوفك طايره مثل الحمامه وإنْ فرحتي كنت أفرح وأكسِر بيوت القصيده كنت أشوفك في عيوني مثل ( زرقاء اليمامه ) وين ما قلبك يسافر كانت عيوني تصيده شفتي هذا الكون كله بالرجوله والشهامه لو بغيتيني أبيده .. والله لـ عيونك أبيده كنت أحارب لجل حُبك والقوي أكسِر عظامه وكان قلبي لك أسيرٍ وكانت عيوني شهيده قلبي والله من عرفتك صرت مدري وش علامه كل ما صرتي في عيني شفت نبضاته شديده وقدرك اللي إنحنى لي وقلت: عز الله مقامه عالي قدرك في عيوني وكل ما شفتك أزيده إنتي لو عني تغيبي صارت جروحي يتامه خافي الله لا نويتي ولا تضحي في عبيده كنت أسهر من غلاتك حتى ليلي ما أنامه وإنتي مشغوله بغيري ودُوم أشوفك تحت إيده كان ودِّي بس أحظى بحب قلبك وإهتمامه والشعر عنِّك أقوله وأنتهي منّه , وأعيده كنتي أمنيتي بحياتي وكنتي , في قلبي مرامه وإن كتبتك في حُروفي صارت القصه فريده وكنت أشعِل لك كفوفي لجل أنوِّر لك ضلامه وإن خذيتي العِلْم مني .. تطلع علومي أكيده حتى لما كان يرمي . . . كلَّهَا فيني سهامه كنت أضَحِّي في حياتي لو نوالك بالمكيده ما حشمتي قلب شخصٍ له شموخ وله كرامه وما حسبتي حساب ناسٍ همَّهَا بس النقيده شاعرٍ ما رَد حتى ... على لبَّاسي العمامه وقلبك إنتي صار فجأه والله يا حلوه يقيده في الزمن نادر وجودي ويا كثر فيه الرخامه وصار عادي في زمنَّا الأخُو يقتل عضيده الحديده , في إيديني و القضيه . . إتهامه وإنتي القاضي وطبعاً ما تحسي في الحديده مركبي الغرقان بَسِّك لا تزيدي في حطامه كل ما ألمح نجاتي صارت أمواجك شديده صدقيني - حيل أحبك والوعد يوم القيامه ويل من هو كان يكْذِب وكانت ذنوبه جريده إتركيني لجل عينه .. كان لك حُبه إبتسامه المهم . . . . إنّك تكوني يا بعد محمد سعيده إنسي اللي صار كله وصيري له منبع هيامه وإن ذكرتيني بغيابي قولي عن روحي فقيده ما أبي من قلبك إلا .. طول عمره والسلامه خَلِّي بالك من زمانك دنيتك هذي عنيده |
رد: الوعد يوم القيامه يافلانه
الله عليك اخي max كلماااات بقمة الرووعـــــــــــــه صح لسااانك ..ابدعت بمعنى الكلمه .. واحلا تقيم |
رد: الوعد يوم القيامه يافلانه
صح الله لسااانك وصح الله بدنك كلمات راقت لي جدا اتمنى لك المستقبل الافضل
تقبل تحياتي واحترامي |
رد: الوعد يوم القيامه يافلانه
اختي هيا
اخي الجمهوريه اليمنيه يسعدني ويشرفني مروركم وتعليقاتكم ولكم خالص شكري وتقديري |
رد: الوعد يوم القيامه يافلانه
أخي مآآكــس
قد تخونني العبارات كيف انسجها هنا في متصفحك الرائع لك شكر بحجم السماء والارض على هذا الإبداع لروحك ورد الجوري والياسمين وتقبل تواضع مروري كون بخير |
رد: الوعد يوم القيامه يافلانه
ابيات قويه جدا ذكرتني بعذرية الحب القديم هذا البيت من اجمل ما اعجبني في القصيده شفتي هذا الكون كله بالرجوله والشهامه لو بغيتيني أبيده .. والله لـ عيونك أبيده صورة بلاغيه قويه سلمت لنا ماكس عاد شوف ماكس ما تركب اسمك ماكس وتنقل قصائد نبطيه ياتغير اسمك او تغير الى ابيات غربيه خخخ امزح |
رد: الوعد يوم القيامه يافلانه
ولايهمك اخي القائد الحين اسدح قصده من قصايد توباك
ههههههههههههههههههه واسم ماكس مستحيل اغيره قصته قصه |
رد: الوعد يوم القيامه يافلانه
اجل
قسم القصص ينتظرك لتروي لنا الحكاية خخخخخ |
رد: الوعد يوم القيامه يافلانه
بحكيلكم حتوته لكن قبل النوم هههههههههههه
|
رد: الوعد يوم القيامه يافلانه
صح لسانك اخي ماكس
كلمات جميييله وراااقت لي بكل معانيها تسلم الايادي .. الله يعطيك العافيه دمت بخير |
| الساعة الآن 10:45 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
جميع الحقوق محفوظة لمنتديات اليمن أغلى