حالي هو حال اليمن.........

الف ثوره وثوره منها الشعب خاسر
لن شعب اليمن ممنوع عليه التطوار

بالعراك السياسي كل ذا الشعب ثاير*
واليمن قد رفع لبليس راية وتذكار

مات يحيى عمر والاخ حيدر وناصر
قبيله غيجره قد كافة الشعب ثوار

الدول تفتخر في ابراجها والعماير
واليمن يفتخر في العنجهه والتغيجار

ضاع خير اليمن وحلامها والبشاير
شعب بالحزبيه والطائفه شعب منهار

شعب دايم مخدر بالتتن والسجاير
شعب صفق لمن قد شربه كاس صبار

من زمرله رقص لكل واحد مساير
هاكذا شعبنا يرقص على كل مزمار

من يصفق لعب مابين الحزاب حاير
شعب فاشل وجاهل شعب عاجز ومحتار

حكم العقل وحسب كم جنيت من خساير
لن هولا الخون باعوك بمليار دولار

وانت صفق لهم ودي الفصول والبصاير
شلة المصلحه ياشعب يشووك بالنار

المخطط نفذ من الاساس والاشاير
وانت عادك خبل ماقد عرفت التبيكار

المخطط علي محسن وصالح وعامر
والمنفذ حميد واحمد وصادق وعمار

وبن بدر الذي في كل ساحه مبادر
عينوه مشرف التنفيذ في كل الطوار

دايمآ محترص كي يجعل الشعب دامر
من قتل قد كفر وهم يقولون الحرار

للعمل والبناء ياشعبنا قوم غامر
انت شعب الكفاح ياشعبنا انت مغوار

طهر الفاسدين وكل خاين وفاجر
لاتصالح خون كلا ولا تقبل اعذار

والصلاه والسلام اعداد ماشن ماطر
تبلغ المصطفى المخصوص من خير الخيار
الشاعر محمد الجربحي