|
•• الشــعر الادبــي والفصيـح فضاء للإبداع الأدبي و المحاولات الشعرية |
التسجيل السريع مُتاح |
الإهداءات |
|
أدوات الموضوع | إبحث في الموضوع | انواع عرض الموضوع |
13-12-2008, 05:16 AM | #1 | ||
ضيف جديد
تاريخ التسجيل: 11 - 11 - 2008
المشاركات: 4
معدل تقييم المستوى: 0 |
بنت القبايل
هذي نص مسرحي (بنت القبايل) بدوي من اليمن اعجبني فحبيت اشاركه معاكم و تخيلوا معي القصة وأنشاء الله يعجبكم القروي: أعشق انا قريتي وأعشق هواهـــا **** ما يطيب لي العيش في قريه سواها حب الوطن حب يجري في فؤادي **** وفي عــروقي كما تجـــري دمـــاها البنت: تسأل القروي "من انت؟" القروي: أنـــــا فــــــــــــلاح قـــــــــروي **** اللي سقا الأرض ذي واللي رواها أسرح عـليــــها من الطير المعلي **** وانـتين جـيتين منين الـــيوم يــاها؟ تجيب البنت: أنـــا من البــــادية رسلان اهـــلي **** عـــطوني البـــهم يبغوني رعـــاها القروي: "جيتين لا هان وسط أرضي؟؟!!" البنت: ما لقيت شي أرض في الوادي كماها وألـــــعفو منــك أذا فرطت فهمـي **** بـــاشـــل بهـــمي وباروح معاهـــا القروي: يبادر بمسك يدها, ويقول: لا لا تروحيــــن وأستني بقربــــي **** و خلي البـــهم تـــعمل مــشتهاهــــا البنت: تصيح لوالدها ينقذها يابوي!! يابوي!! أصيح لك أغثنــي **** تعــــــال شف بنتك وش دهــاهـــــا؟ الأب: يسرع الى بنته ويقول: وش أجراك يا الفسل تمسك يد بنتي **** أم شفتهـــا هـــامله مــــاحد وراهـــا بنت القبــايــل عــزيزه ما تــــدنـي **** لنســــان قروي ينــزل مــــستواهـــا رجال من بعدها تسرح وتـــــضوي **** ولدعمـــــها قيــــم يتـــــبع خطاهـــا القروي: يدافع عن نفسه ويقول: يا والدي أفهم كلامي ويش قصدي **** باجيب لك قـــصـتي مــن مــبتداهـــا بنــــتك جـــــاتـــــــني لما محلـي **** وبهمها في محـــلي جــــن وراهـــــا غنت معي يوم شـــــافتني أغنـــي **** و حدثتني وأنــا اتسمـــــــع حكاهــــا وشادني حسنها والحـــــسن يشدي **** سبحان من بالمحــاسن قـــد كساهــــا وعندما طار معقولــــي وعــــقلي **** طارت يدي ووقعـــت فــــي يداهـــــا وان كان يا عم مقصودي وقصدي **** نطلب على سنة المــــولى رضاهــــا ابى صهـــــاره تقـــع بينك وبيـني **** هــل با تــــوافــــق تــزوجني بياهـــا؟؟ الأب: يحتج على طلب القروي!! ويقول: أسكت!! قفا ذا اليوم يا ويلك وويلي **** وش باتقول القـــبايــــل في قراهـــــا؟؟! بايـلــــومـــوني وبايهـــينون قدري **** وبايقولـون قــــــروي قد خــــذاهــــــا قضيت على سمعتي وهتكت عرضي **** فضيحتي الـــيـــوم قد كـــــلاً دراهــــا قم شل رحلك وروح لك عن أرضي **** ولا قــتـلـتـك ولا بـــــاقـــول اهـــــــا! القروي: هذي خطط باليه مــــاعـــاد تمشـــي **** هذي خطط هـــدَت الثــــــوره بناهــــا هذا سلاحي دايــــما فـــــوق كتفـــي **** أذود عن ثورتــــي وأحمــي حمـاهــــا وأتحـــــرر الشعب من سيدك وسيدي **** والــــعــلــم امـــيـتــي الاولـى محاهــا وأصبح قوانيــن لــلأســـره وعنــدي **** نسخ وايمـــــان ويـــــنـــك ما تــــراها؟؟! يحـــق للــبــنــت تـتــخـيـر وتـبـــدي **** بــــالـــــذات ارائهـــا اللــــي تراهـــــا وان كان تختارنـي وتريـــــد قربــــي **** فانا كما أحس قلبـي الــــيــوم يبـــاهــــا الأب: يسأل أبنته عن رائيها؟؟ البنت: أخاف ان قــلـــت تضــربني وتجنـي **** علي وتقـــول بنتــــي قــــل حيـــــاهــــا الأب: لا لا تخافين بعــــد الــــيوم منــــــي **** خلاص انا المسئله عـــقـلي وعـــــاهــــــا البنت: أن كنت راضي فلا لي شور ثانـــي ***** أنـــت الحـــــكم في أولهـــا ومنتــــهاهـــــا وتعال يابه على القروي عقـــــد لي ***** أعطـــــيته نفســـــي وملكتــــه هــــواهــــا the end
|
||
13-12-2008, 06:30 AM | #2 |
: رقـيب أول :
تاريخ التسجيل: 5 - 6 - 2008
المشاركات: 718
معدل تقييم المستوى: 63 |
رد: بنت القبايل
مشكور اخي على الموضوع |
13-12-2008, 04:13 PM | #3 |
جنـدي
تاريخ التسجيل: 24 - 8 - 2008
المشاركات: 103
معدل تقييم المستوى: 59 |
رد: بنت القبايل
تسلم يمينك ودام قلمك والله لا يحرمنا من مواضيعك تقبل تحياتي احمد الظاهري |
مواقع النشر (المفضلة) |
أدوات الموضوع | إبحث في الموضوع |
انواع عرض الموضوع | |
|
|