ديوان الشاعر / ماجد علي سيلان

جر القلم هات وادي لي من الشعر بيت
بيتين والا ثلاثه كلهن حاليات

مشتيش عشرين واغلبهن كسيحه وميت
ولا ثلاثين محسوبه من المهملات

بنيت لك في الحشي والقلب يا زين بيت
من اجل ترتاح لا تدي سوالف شمات

خليك هاجوس راقي مثلما انا هقيت
وان خاب ظني فبيني وانت يبقى فوات

انافي الحب صدامي وانت الكويت
لو كنت لي نهر دجله كنت لك كالفرات

اوزن حروفك بدقه واوتزن لا نويت
ناظورك الحب ذي يثقب قلوب البنات

واضغط زنادك بصدق القول لا قد رميت
ذخيرتك قلبك الطيب ومن مات مات

بعض الناس عنده حاله
لا شفتاه ترحم حاله
ما خلا لواحد حاله
يشدخ ذا ويندع ذاك

قله يا خبير اترود
زاد الزر لاما اتحيد
وان حد ينصحه يتيهود
ويجوب بكلمه غثاك

مالك قال أمانه ضابح
من هو ضبحك يافالح
قال القات حقي قارح
في شغله قده ها كذياك

لا ودف وجاء لا عندك
يضحك لك ويجلس جمبك
وان قفى شويه سبك
الله مثل ذا لا رواك

بعض الناس يجلس بعدك
مابه شغل عنده غيرك
ويهنجم ويلعن جدك
وي دنني براسه لا راك

في فعل المساوي طبعه
بعد الناس يعمل قرعه
يرحم كل حد في شرعه
ما نفعل لذيه يا ذاك

يسعى بس بعد الفتنه
يا غبني وآحي منه
كل الناس تشكي منه
قلك وانت مالك يا ذاك

الشاعرماجد علي سيلان

سلام له حنه ودنه
ياما كتب لابد منه
حكمه من الباري وسنه
ماضيه في الناس

ما هو بعمر احد وسنه
ولا تقل جاء شخص لانه
مابه ولا في الامر إنه
القدر مقياس

وقــــــف كل شي اجلال والواقع إبتسم
بمولد حـــــــبيب الله ذي يجلي الصدور

ومكه وزمزم والمــــــشاعر مع الــــحرم
وطــــــــيبه وكل الارض مستكسيه بنور

وقف كل شعري إجلال والحرف والكـلم
وكل المــــــــــعاني والعبارات والسطور

وقف يوم ذكراه التــــــــواريخ والامم
والايام والســـــاعات والوقت والشهور

ويســــــجد لذكراه المحابر مع القلـــــم
والالوان والاطـــــــياف والورد والزهور

لميلاد مولى الحـــــسن والطيب والقيم
مكانه وقيمه في المشاعر وفي الشعور

كساء يوم ذكــــراه الميـــــادين والقمم
حلل تبهـــــج. الارواح وتطيب الصدور

بمولد، رسول الله خيــر الاله. عــــــــم
وهاله على الاكــوان متلئلئة بنــــــــور

ومصباح رباني عـلى الظُلْـــــم والظُلَم
محا ليل غطى الكون والماضي الغدور

قد انزاح من ذاك البهاء الضيق والالم
ويغمر سناه الكون بالسعد والسرور

وبإسمه تعطر كل. مجلـس. وكل. فم
وبإسمه تجلى صبح دنيا الاسى بنور

وبإسمه إله الكون. الاديــان. قد ختم
الانجيل والتوراة والصـــحف والزبور

بذكراه كل. الشعب بأطـــيافه. إلتحــم
وفي صف واحد بادر الكل بالحــضور

فلبيك يا أصدق من تكلم. ومن حكم
ويا أعظم ويا اكرم ماخلق ربنا الغفور

فلبيك واحنا شعب تعــلو به الهـــــمم
ومن نسل الانصار المــغاوير والصقور

فلبيك والشعب اليمــــاني قد. إلـــتزم
بمنهاج. هديك في مســــــاره بلا فتور

فلبيك كل الشعــــب في مولدك. رسم
صور باقيه عبر الاعاصــــير والدهور

فلبيك. والشعب اليـــماني قسم قسم
يحارب دعاة الفســق والعهر والفجور

فلبيك شعبي ما تكاســــل. ولا انهزم
وثابت على مبداه والمـوقف الجسور

فلبيك واحنا دعـــــم. واســـناد. للعلم
وتنكيل لاهل الزيــــغ والكفر والشرور

فلبيك مهما. اتكالبـــــت. حولنا. الامم
وتغلق علينا الـــــبر والجــــو والبحور

ولبيك ما قوات الاعـــــداء بقت عدم
له الحمد. ربي ذي يــــــيسر لنا الامور

ولبيك مهما اتــــحالف العُرْب والعجم
وسدوا طرقنا بعدما دمــــروا الجسور

ولبيك مهما الغرب للمعـــــــتدي. دعم
وجيش اليمن ثابت مرابط في الثغور

فلبيك مهما. الكفر في ارضـــــنا هدم
فلا لا تراجع. عن مباديك. او قــصور

ولبيك هذا الشعب. لا قـد عــزم عزم
على كل ظالم معتـــدي للوطن يثور

فلبيك هـــــــذا شـــــعبنا حطم. الرقم
بقوة صموده يجـــــــعل الدائره تدور

الاعوام ولت بلغوا. مجــــــرم. الحرم
اذي اصدر علينا حكم كله غوى وزور

الاعوام ولت ما. تقــــــــدم ولا. قدم
ولا نال ما يبغاه من شعبنا الغــــيور

الاعوام ولت والتحالف قد انقســــم
وحلت. عليهم. دارة الويل والــثبور

الاعوام ولت كم صــــوايخ كم وكم
ضربها علينا واعلنوا ضدنا النــــفور

الاعوام ولت وإسألوا المرتـزق. بكم
شرونه. وباعونه. ليصـنع له الظهور

الاعوام ولت كيف شاريه قد ختـم
جبينه بذله تحمــــل الهم. والــثبور

الاعوام ولت ويــــن ما شل وإستـــلم
وكم صار مخزونه وكم صارت الاجور

الاعوام ولت بعدها. حلفهم نــــــسم
يطالب بأية حل وإصلاح للأمـــــور

وللصلح يطلب بعدما وجهه إلتطم
ويعلن رضوخة بعد فره مع الكرور

وشعب. اليمن سلم لما. قاله العلم
وبالقائدالمغوار شعب اليمن فخور

ولا هما من قال فيــنا. ومن. شـتم
وكلين يظـهر طابعـــة قوله الجهور

تحيات يااهل الود والعرف والشيم
ويااهل الوفاء بالند والفل والبخور

وازكى صلاتي. ع النبي هادي الامم
وشافع لنافي ساعة الحشر والنشور


الشاعر ماجد علي سيلان

اعد الثواني والدقــــــــــــــــائق مع السوع
والايام تمضــــي وأقبـــــلت لحظة الوداع

وحسيت في داخل ضـــ، ـلوعي كما الوجع
وهوالقلب ذي في داخـلـــه شـوق وإلتياع

اذا قلت اقيس النبض فالــقلــــب ما هجع
تسارع في الدقات والضـــغط في ارتفاع

وحاولت ألوم الشاعــــر الـــشــهم والقدع
واحط العزيمه بأول الخـــــط في الدفاع

فوليت والاحزان في داخلــــــــــــــي دفع
وحتى المشاعر والاحاسيـــس في صراع

وحاولت أداري الهم والــــــشوق والجزع
على شان خلي يفتهن ســـاعــــــه الوداع

وما غير ربي ذي على قــــــلبي اطـــــــــلّع
واساله إلهي اللطف والعفــــــو كل ســاع

ماضي شقي والواقع الحاصل اخبل
وجيل ما يعرف من العرف مثــقـــال

كم يا مثل في اشياء صارت من اول
واكبر عظه. للناس في تلك الامــثـال

قال المثل قتل. البزي قبل. يطـــــول
ما لا كبر قال المثل. عذب. الخـــــال

كل المشاكل ذي بتحدث لها. حـــــل
الا الحماقة طبهـــــــا يعجز. الـــحال

والعود ذي. يكبر وما. قد تعــــــــــدل
ما يعتدل. الا. على جمر. الاجــــذال

ذي. ما تعلم من. زمانه. ولا. اعقـــــل
ما تنفعه. رتبه. ولا. ينفعه. مــــــــال

وكل. واحد حسب عقله. تحمـــــــــل
وكل صاحب. عقل. حمممال. الاثقال

ما. يحمل. الاثقال. انسان. مختــــــل
ولا توطي. هامة الكفو. الانـــــــــذال

ايش. من وجه لا يخزى ولا يستحي
اي. قيمه عطاها.لــــي بقلة حيـــــاة

اح يا وقت ياحمـــــــى عليها. لحــي
لا قد الشخص يتطاول على من بزاه


قلت احييش يا نفسي بما تطمـحي
بس في السيركن سيري بكل انتباه

لاغرورش يسـوي لش صدى مسرحي
احذري كل من يحـسب عواقب خطاه

واجبش.لا تشيلي حقد وان تصفحي
زلة. الشخص محسوبه على مستواه

كل من نام .قالوا في. النهايه صـحي
والذي ما صحي يلقى البواقي عزاه

وانت. يا. نفس لا تقسي ولا تضبحي
ما حدا. سار في بقعاء تحقق مــناه

إلام الـــــــناس قد نظروا إلاما
وصار البـغض في الدنيا علاما

ودنيانا تقولُ لمن عليـــــــــــها
ومن صاروا لزُخْرُفَها أيــــَــاما

تأمل أيـــــها الـــمغرور واحذر
نهـــــاية من تَمَلَكـَــني الحِماما

بحور المال كم رفعــت غثـاءاً
ويطفوا فوق لجتـها اللئـــاما

وكل زوارق التــحذير تعطي
جـميع شواطئ الدنيا السلاما

وعُبَاد الدراهــــم كم أطاعوا
ملذات النفوس على الدوامــا

فلم يَزِدَ البخيلَ المالُ حبــــا
ولم يسلبْ من الكرماء مـقامــا

ونار الحــــــرصِ تُجبِرُ كل عبدٍ
ليَقتَرِف الجرائِمَ والحرامـــــا

فسبحان المسيرَ للبرايـــــــــا
وسبحان الميسرَ للأنامــــــــا

وسبحان المـــذلَ لكلِ بــــــاغٍ
ومُعطي ملْكَه لمن استقامــــــا

العز بحـــــري والكــــــــــرامة شراعي
والجود مجـدافي قصم ظهر الامواج

سفـــــينتي تبــــــــــحر على قد باعي
واكره من إتهور. وحبَّ التلبــــــَّــــــاج

ومن يــــــحاول يوم يـــــــلوي ذراعي
اقــدره واطرح على راســــــــه. التاج

مش هو، مذلة بس انا شخص واعي
مقدرشْ، أهين انسان وانْ كان زباج

ما نا، لفضل انسان جالـــــس مراعي
حتى ولو قد، كنت من صدق محتاج

مال. للكِبِر والحقد يا. ناس داعـــي
شفنا الغرور أنْتَج لنا شلة اتنـــــاج

ومن يطنشني ويــــــــــكره. سماعي
كثر الحكى قال المثل صار لــــــغاج

واعمل لربي الناس حسب استطاعي
والله يعلم، مافـي القلب يا حـــــــاج

كتبت لك بيتين حسب انطــــــــباعي
مشتيش اسبب. للذي. حولي. احراج

دلا دلا يا خـــــــــــــــــوك حبه حبه
لا انت تضـنى لي ولا انا أضنى لك

الله من كثر الضــــــبح في الغربه
لا حد يعـــــــــــزي لك ولا حد بارك

يا مـــــــا احسن الركبه على بو دبه
والقـــــــات جمبك والديو والشارك

والدنــــــــــــــــدنه بالذات لنتا ركبه
تــــــــــــصرف ولا واحد يقلك مالك

وان كـــــــان باقي في فؤادك رغبه
ضويت خــــــــــــاله حاليه لاطفالك

يحق لك تلبس وتعـــــــــــمل عصبه
وتزيد فوق الجمب تطـــــرح شالك

وتسير تعمر لــــــــــــك مسلح صبه
ولا يهمك مــــــــــــا سرح من مالك

وان انت كادح بتــــــــــــغداء حلبه
والا زبــــــادي لعنبـــــــــــو طربالك

ما آخر المبــــــــــــراع. الا. القلــــبه
اهم شي هيـــــــــــــص وريح بالك

والناس صارت وسط عيشه صعبه
الهم همـــــــــــــك والسعادة فالك

زماننا قد عـــــــــــــز كم من قحبه
وهــــــــــان اهل العز واضنى حالك

يا شيـــــــــخ صرنا في زمان النكبه
لا عاد تــــــــدندن لي علـــى موالك

اليوم كنك صــــــــــرت داخل علبه
ولا تــــــــــلاقي شخص منها شالك

الوضـــــــــــع مدري صدق وإلا لعبه
أهم شي كــــــــــــون انتبه لافعالك