ومازال الحلم مستمراً ..............

احم احم معاكم عروبة من صنعاء لتنقل لكم ماحصل في صنعاء اليوم
طبعا بدأ القصف العادي حق كل يوم وفجأة اهتزت الارض من تحتنا وبعدها اتفجرت الزجاجات وطلع الغبار حسينا المبنى بينهد فوقنا واكتشفت بعدين ان هذا كله حصل في كل مكان بصنعاء
المهم كملنا عملنا بالبدروم وفريق من الشباب الله يحميهم راحوا المستشفيات عشان يعرفوا ايش الناقص ويزودهم بكل مايلزم
وبعدين لما وقف الضرب روحنا وخرجنا للشارع واحنا نشوف الزجاجات مكسرة على طول الطريق ولاني مالقيت مواصلات وروحت مشيا على الاقدام شفت مناظر أكثر وزجاجات مكسرة اكثر
والان رجلي بتوجعني جنب يدي

كانت معكم مراسلتكم من صنعاء

عروووووبة

احم احم معاكم عروبة من صنعاء لتنقل لكم ماحصل في صنعاء اليوم
طبعا بدأ القصف العادي حق كل يوم وفجأة اهتزت الارض من تحتنا وبعدها اتفجرت الزجاجات وطلع الغبار حسينا المبنى بينهد فوقنا واكتشفت بعدين ان هذا كله حصل في كل مكان بصنعاء
المهم كملنا عملنا بالبدروم وفريق من الشباب الله يحميهم راحوا المستشفيات عشان يعرفوا ايش الناقص ويزودهم بكل مايلزم
وبعدين لما وقف الضرب روحنا وخرجنا للشارع واحنا نشوف الزجاجات مكسرة على طول الطريق ولاني مالقيت مواصلات وروحت مشيا على الاقدام شفت مناظر أكثر وزجاجات مكسرة اكثر
والان رجلي بتوجعني جنب يدي

كانت معكم مراسلتكم من صنعاء

عروووووبة

وفي الاخير لقيت سنبوسة على الطريق
اشتريت لي وروحت
لاني كنت جاوعة بغير صبوح ولاغدا

والان رجعوا يقصفوا من جديد قصف عمرهم

دقيتها رجل من الحي السياسي للستين ...ياشماتة العدوين
فرحان فيا ياصاحب التقييم

صباح الخير

أمنيتي لليوم أن الارض تظل ثابتة وماتتحول الى جيلي مثل امس


^_^

والقصف مازال مستمر واحنا مازلنا نعمل من البدروم حق المكتب

تم نسف البرستيج وسيبت مكتبي الجميل والكبير وبين اشتغل في البدروم في طاولة صغيرة على وشك الانهيار

والنت يفصل كل شوية واظطر اروح لجنب السيكوريتي لأن الشبكة عندهم اقوى

المهم طلعة نزلة واول ماسمع قرحة ارجع اهرب للبدروم

حتى لما حركوا البرميل افتجعت

^_^

عم علي قالي اليوم بعد ماقلت له اني بين افتجع من القوارح

أَيْنَمَا تَكُونُوا يُدْرِكْكُمُ الْمَوْتُ وَلَوْ كُنْتُمْ فِي بُرُوجٍ مُشَيَّدَةٍ ۗ

افحمني

الله يرحمنا برحمته

وطالما ان املنا في الله كبيير وماله حدود فإن أملنا في القادم خير
وان شاء الله يكون القادم اجمل

اليوم اعراض الفجعة بدأت تظهر
لما حد يكون بيكلمني واسمع اي صوت قلفحة
اركز في الصوت وماعد اركز في كلام الشخص
برغم ان قدنا في البدروم لكن نو واي ان الفجيعة تسير