بدات المنافسه بين السفاح والجندي

السلام عليكم ورحمة الله
بدات المنافسه وبالتوفيق للجميع

ونبدا بالشاعر الجميل
الجندي السجين



أشل نبضي بالوفا بالجمال
أكتب لأرضى واكتب لسكانها

من مهرة الشرق لا تهامة قبال
أغنى سحولها ايضا ووديانها

عاشوا بها الدهر بالخصال النبال
بحصونها أصوارها ووخيام كثبانها

وقريتى نجم من نجوم الخيال
من ضمن مجموعة بدرب تبانها

والفخر أكبر مايحده مجال
والكامل الله خالق أركانها

ربعي من الطيب أهل النكف بالقتال
وأهل السلام أسرع بغفرانها

أسيرهم ضيف مايغثه مقال
وأيتامهم تكفى يعلى شنها

أرضي اليمن وقريتى بالجبال
محافظة عمران ومن شبانها


والان دور الشاعر العزيز
السفاح الجهمي ولو طالت الابيات
واعتذر لانه ماشاف الشرط ^^


فديت صنعاء وحشني كل مافيها
فديت صنعاء شوارعها مع الحراس
فديت صنعاء ونفسي من يداويها
فديت صنعاء علاج الشوق والاحساس
فديت صنعاء .. فديته سام بانيها
من يوم صغري وانا ارسمها على الكراس
بيوت روعه وذاك السور حاميها
بين المناطق كمثل الورد والالماس
فديت صنعاء ... وانا افدي حواريها
سكنت صنعاء ... امانه طيبين الناس
تروح صنعاء .. تخزن في اعاليها
باتطعم القات وتحتك منحدر واجواس
حده المدينه مع الفندق وتلويها
ووقف الباص تعشى في وسط ريماس
وفي الزبيري قهوه من يسويها
تقول ويسكي ولايكفيك حتى كاس
وعاد سوق عنس حق القات يكفيها
يخزن الشخص ذي ماشي معه اضراس
وسير صنعاء القديمه شوف ماضيها
واطعم قنمها ولكن اسبك البسباس
واطلع من الباب لف الصافيه اطويها
ركنين والله ولا قد يعرفوا كناس
سفاح فيهم و رودي في مواطيها
جالس يزعق بجنب ابليس ذا الوسواس
لو المهلهل تربى في حواريها
انو بيلعب بلستيشن مع جساس
يا اه في اه جهمي قد سكن فيها
احلى مدينه جمعتي كل ذي الاجناس
والصبح ياخوك لو تنوي وتمشيها
تسمع مدارس مع الطلاب والاجراس
ونشيد وطني ورب البيت يحييها
عاشت يمنا .. وعشنا رافعين الراس

بقلمي.."" قلم الاداب ""
السفاح الجهمي

معاني الكلمات للي مافهم

الباب - الصافيه - حده المدينه - الفندق - الزبيري - " هذه كلها اماكن في صنعاء "

ريماس " مطعم في صنعاء "

قنمها " وجبه مثل الكباب "

الويها " سير وارجع "