ديوان الشاعر ابو حمدي محمد الجمل

النصيحه


يـاصاحبي مـن سـاير الـناس ماصاح
والـجيد مـن يـقبل وقـوع الـنصيحه

الامـر واضـح كـم جـبل بالكلام طاح
مـن اجـل زلـه تـحسب اكبر فضيحه

الـحـر مـثـل الـمـسك لــه شـم فـواح
ويـن مـا اطـرح له شم روعه رويحه

ابـقـا مـثـيل الـمـسك بـالشم يـاصاح
واحـــذر تـقـالـيد الــرجـال الـقـبيحه

خـاوي الـذي بـالمعرفه طب الاجراح
واكسب زمانك في النفوس المريحه

اعـرف مـقامك بـين الاعـراب تـرتاح
وابـقـا الـمـعالج لـلـنفوس الـجـريحه

ولا تـعـاتب شـخـص بـالـوقت لا راح
فـالـموت قــد شـل الـوجيه الـمليحه

عـيش الزمن ماعشت بالعرف نصاح
بــكـل كـلـمه فــي مـهـامك صـريـحه

ولا ترافق شخص مقصوص الاجناح
لــنـه مـقـامـه فـــي مـقـام الـنـطيحه

ولا تــدور مــن قـفا الـصاحب اربـاح
وخــل نـفسك لـجل ربـعك شـحيحه

الـشـاعر ابــو حـمـدي مـحمد الـجمل

التعجل زلل

هـيـبة. الـدولـه اقـوى مـن جـموع الـقبايل
حـيـن تـضـهر قــوى فـي بـحرها والـبراري

يـصبح الـخوف فـي شـيبه وشبان وجاهل
عــنـد مــن تـعـلن الـدولـه بـحـالة طــواري

كـل شـامخ يـطيع رغـم الـذي كـان حاصل
بـالـحـتـوم ذي اتـــت الـنـرفـزه والـمـهـاري

والــذي يـعـدموه او يـسـجن الـعـمر كـامـل
يـعـلن ابـليس كـيف اغـواه ومـا كـان داري

والـشـيوخ ذي تـشجع مـن يـحب الـبواطل
كـــل واحـــد يـصـبـح بـالـوسـاطه مــداري

يـحلف ايـمان ان الـشخص ذي كـان غـافل
مـالـيده صـلـه فــي ذي بـيـحصل وجــاري

مثل ما ابليس حين يغويك لصنع المشاكل
واخـرتـهـا يـقـل هــذا خـطـاك يــا ضـمـاري

انـمـا الـصـبر حـكـمه فــي جـميع الـمراحل
والـتـعـجل زلــل بـالـراي حـسـب اعـتـباري

وان قـصدك تـسوق الـناس فـي حل عاجل
خـــذ بـحـكـمة كـبـار الـقـوم ورد اعـتـباري


الــشـاعـر مــحـمـد الــجـمـل ابـــو حــمـدي

مـرثـيـه مـتـواضعه فــي رحـيـل الـمـغفور
لـــــــــــــــــــــــــه بـــــــــــــــــــــــــاذن الله
ابـــو طـــه مـحـمـد نـاصـر احـمـد الـهـدور
تـغـمده الله بـواسـع رحـمـته والـهـم اهـلـه
وذويـــــــــــه الــــصـــبـــر والــــســـلـــوان

#خـــــــســـــــاره_جـــــــســـــــيــــــمـــــ ـه

قــال ابــو حـمـدي افـزعني وطـير مـنامي
بـــارق الــمـوت ذي مـنـه عـرفـت الـهـزيمه

من ضياه حط لي بين الضلوع جرح دامي
واصـبـح الــروح مـنهك بـعد تـلك الـعزيمه

اح فـــي اح يـــا دنـيـا كـثـر بــش هـيـامي
مـــا بـتـحـسب عـلـينا الـعـاقيه والـخـتيمه

ويــل عــاش وهــو حـامل بـقلبه خـصامي
او يـسـاوي فــي اصـحـابه وجـاره ضـليمه

نـاسـي إن الـحـياه مـتـعه ومـوجز درامـي
كـــل مــا خـيـرها قــد زاد مـاهـي مـديـمه

كــلـهـا قــبــر لابــــن آدم كــانـهـا حــرامـي
كــم بـتـهمي بـشـر وهــي كـمـاهي سـليمه

الـبـشـر وعــدهـا بـالـموت رغــم الاسـامـي
والــرتـب والـمـنـاصب والـحـياه الـعـضيمه

مـاهـناك فــرق فـالوجهه ولا فـي الـمقامي
افــضـل الــنـاس بـالـتـقوى مـعـزه وقـيـمه

عـنده الـناس سـوى لـكن لـها حـزن سـامي
عـنـد ذكــر الـفـقيد تـبقى عـواقب وخـيمه

بـعد مـن مـات يعيش الحي والحزن نامي
طـيـلـه الـعـمـر واحــزانـه مـعـاهم مـقـيمه

مـثل مـا مـوت ابـو طـه قـد ارهم عضامي
زلـــزل الارض والــواقـع رحـيـلـه جـريـمـه

مـنـهـا خــسـرت الـقـريـه مــغـارم ورامـــي
مـعـرفي بـالـجميع طـبـعه شـهامه وشـيمه

طـيـب الـقلب مـولا الـجود نـال احـترامي
قــول واخــلاق وافـعـاله مـواقـف حـكيمه

صـعب يـوفين فـي وصـفه مـعاني كـلامي
والـحـليله قــدا اوصـافـه بـالابيات عـقيمه

لإن عـجـز الـكـلام هـو فـالرجال الـعضامي
ذي لـقـا مـوتـها تـبـقى الـخـساره جـسـيمه

يــــا إلاهــــي تـرجـيـتـك بــكـل الاســامـي
ثــبـتـه فــــي لــقـاك بـقـوالـه الـمـسـتقيمه

واجـعل الـقبر روضـه والـشراب والطعامي
مــن يــد الـحـور ذي هـن لابـن آدم غـنيمه

وانـــزل الـصـبـر والـسـلوان والاعـتـصامي
لـلـقـوب الـــذي هـــي مـــن فـراقـه ألـيـمه

واجـعـل الـعـاقبه بـالخير لـخاصه وعـامي
وابـسط الـخير فـي درب الـيتيم والـيتيمه

خـتـمـها بـالـصـلاه مـاشـن مــزن الـغـمامي
تـبـلـغ الــنـور ذي روحـــه بــالامـه رحـيـمه

الــــشــــاعــــر مــــحــــمــــد الــــجــــمـــل

*بـــســم الله الــرحـمـن الــرحـيـم*
قصيده كتبتها في اليوم السابع من
سـجني اتـمنا تنال اعجابكم اخوكم
*الـــشــاعــر مــحــمــد الــجــمــل*

يــا الله انــا ادعــوك يـا واحـد احـد
يـامـن بـجـودك عـلـى عـبدك تـجود

واســالـك الـسـتـر يـالـفـرد الـصـمـد
يـاخـير مـوجـود مـن قـبل الـوجود

انــا احـمـدك عــد مــا الـراعـد رعـد
ومـــا تــحـن الـعـواصـف والــرعـود

واثـني لـك الـحمد مـا الساجدسجد
ومــا تـلـو فــي تـبـارك هــي وهــود

انــتـه إلاهـــي ومــن يـطـلب يـجـد
عـفـوك ولـطـفك ومـاهـو لــه يـعود

الــيــوم يـاهـاجـسي لـــك مـــا ورد
اكــتـب لـــي ابـيـات لا تـبـقا عـنـود

ابــقـا ســلاحـي ورزحـــي والــمـدد
فـي كـل مـقصود يسجل في البنود

يـقـول خـو نـصر فـي عـيش الـنكد
امـسيت فـي ضـيق كـم تـطلع نهود

حــزيـن والـدمـع يـسـقي كــل خــد
سـهـران والـنـاس ذي جـنـبي رقـود

جــات سـبـعه ايــام قـد قـلبي غـدد
مــنـهـا ولا ريـــت بـتـالـيها حـــدود

مـسـكين مــن كــان مـثـلي مـعـتمد
فــي تـهـمة الـزيـف مـا فـيها شـهود

مـاغـير (تـحـقيق) ومــن يــداً لـيـد
لــعـبـه وفــيـهـا تـلـقـا كـــم وعـــود

لاخــيـر يـضـهـر ولا شـــي لــي ورد
ولا تـلـقـيت مـــن الـخـبـره قـصـود

صـابـر عـلـى ظـلـم فـي داخـل بـلد
الــعـدل مـوجـود والـقـانون يـسـود

مـن بـاطل الـوقت مـا قـد لـي سرد
كــل مــا اسـتـفزيت مـاصر بـالقيود

اهــد والـضـيق وســط الـقـلب هــد
وانــا مــع الــذل قـد شـدوه شـدود

فــي سـجـن كـلـين سـاهـر مـا رقـد
مـسـامر الـصـبح فـي وجـه الـجنود

حــراس مـن مـا وصـل عـندك جـلد
ونــتـه تـحـمـل نـصـيبك دون ردود

مــاعـنـده إلــــى تــــأدب يـــا ولـــد
ولا تــكــلـم مـــــع فـــهــد الــفـهـود

اثـنـاعـشر فـــرد مـعـدوديـن عـــدد
مـخلطين الـصور مـن بـيض وسـود

احــمـد ويـحـيـى وعــبـده لا حـمـد
لاجــنـب راشــد ومـسـعد لا سـعـود

امــا عـلـي لــه عـطـور عــوده ونــد
مــع ابــن درويــش بـالـمركز اســود

هــولا هــم الـنور وقـت الـظلم شـد
مـتـميزين بـالـصفات مـثـل الــورود

الـــشـــاعــر مـــحـــمــد الـــجـــمــل

مرثيه وعزا في رحيل المغفور له باذن الله مسعد ظيف الله صالح
--------------
الشاعر محمد الجمل التالبي
--------------
بـــــدعـــــت بالله ربـــي مــــا ســــواه يعبد
ذي بـــيــــده الملك غـفــار الذنـوب رحـمن

مـــــــد الـــسـمـــاوات لا كــــابــــه ولا عمد
والارض وانـــشـــاء عليها إنــســهـا والجان

وزكـــا الصلاه عـــد مــايتلو حــروف ابجد
عـلــى الشفيع يـــوم كلين ينبعث عــريــان

قـال الـجـمـل عـفـت طـعم العيش والمرقد
والـحـزن يـغـلـي بـصـدري مـثل ما البركان

امـسـيـت فـي هـم كـن الـفـرش جمر اسود
والــنـوم يـحـرم عـلـيـا غـمـضـت الاجـفـان

ودمـعـت الـعـيـن تـنـزل سـيـل فـوق الـخد
مـكـضـوم قـلـبـي وعـقـلـي مـرتـبك حيران

فــاقـد حـواسـي وروحـي مـرتـعـب وابـلـد
لاوعــي مــوجــود ولا مــرتــاحــه الابــدان

مـن بـاطـل الـمـوت ذي هـو مثل رعد ارعد
مـن غـيـر سـحـابـه بمسيول اغرق الوديان

لا انــقـاذ مـنـه ولا شـفـعـه تـجـي مـن حـد
ولا اقـرب الـنـاس يـرد الـموت اذا قد حان

ولا بــيــرحــم دمــوع ابــن الــولــد لـلـجـد
ذي قــد تــالـف حـنـانـه والـحـنـج ذي كـان

وهــكــذا الــمــوت اذا قــد حــل مــا يـرتـد
الا وشـــل الـــوداعــه شــيــبــه او شــبــان

والــحــي يــبــكـي عـلـى مـن راح وتـلـحـد
عــيـال واخـوان وتـنـدب مـوتـه الـنـسـوان

يــا اح فــي اح مــن عــلــم الــبــلا ذي هـد
مــثــوه وبــهــوان وســمـع هـدتـه كـحـلان

حــنــيــن قــلــبـي عـلـى رجـال لـه تـشـهـد
الــقــبــيــلــه والـكـرم والـجـود والـعـرفـان

سلطان قومه وراس من روس عنس اسعد
غــرام رجــام وســيــفــه لــلــعــدا طــعــان

وكــلــمــتــه ذا تــكــلــم صــدق مــا يـنـقـد
ولا يــجــامــل ولا يــضــلــم ولا يــخــتـان

يـسـعـا مـع الـخـيـر عـمـره دون مـايـحـسد
صـاحب والاحسان يجازي صانعيه احسان

مـسـعـد ومـن سـايـره فـي عـيـشـته يسعد
بـضـحـكـتـه ذي تـسـلـي من وصل ضبحان

مـسـعـد عـيـبـكوه قـومـه كــل يــوم ازيــد
لــن مــا مـثـيله مـلـك فـي الـمعرفه بـرهان

وكـــل جـــوده يــنـال فـــي طـيـهـا مقعد
عـنــدالـكـرم مـثـل حـاتم طـي سـاعة كـان

والـيـوم عـلـى فـرقـتـه كـم نـاس بـتـتـنـهد
والاصــدقـا فـي الـمـجـنـه دمـعـهـم شـنـان

والـشـيـخ عـلـي ذي يـشوفه خير ما يوجد
مــاهــو مــصــدق يـفـارق خـيـرة الاخـوان

ولــكــن الــحـق عـلـيـك الـشـكـر واتـحـمـد
لــلــه واطــلــب لــمــسـعـد مـنـه الـغـفـران

واطــلــب مــن الله لــمـسـعـد دار يـتـخـلـد
فــي جــنــتـه والـدعـا ذي يـنـفـع الانـسـان

وذي عــيــلــقــاه هــو مــاقــدمــه بــالــيــد
امـــا خـــســـاره وامـــا رجـــح الــمــيــزان

والـخـتـم صـلـيـت مـايـتـلـوا حـروف ابجد
عـلـى الـشـفـيـع يـوم كـلـيـن ينبعث عريان

الــشــاعــر محمد الجمل التالبي

مرثيه في رحيل هايل محمد
--------------
ابـدع الـقول بـذي فـي نفسي انشا المحبه
ذي خـلـق كــل كـايـن كـان ولـلرزق واهـب

مـنـشي الـفـلك ذي يـفـطر نــوى كـل حـبه
عـالـم الـغـيب بـما فـالكون وحـده مـراقب

قـال ابـو حـمدي العيشه على الارض غربه
كـــل ابـوهـا مـتـاع مــا مـنـها الا الـغـلايب

ويل من عاش بها حاقد ل جيران وصحبه
او بـقـي فــي نـكد لاهـله وقـومه مـحارب

هــمـه الـمـال ويـشـتي لــه تـجـاره ورتـبـه
والـكـشـوفات تـتـرقـم لـحـسب الـمـكاسب

هــكـذا يـحـسـب الـدنـيـا والايــام حـسـبه
نـاسي الـقبر ذي هـو بـيت نـاجح وراسـب

بـيت مـا مـن لـضاه مـجني ولا بـاب هـربه
به نعيش ضعف ذا الدنيا ونحسب غرايب

مـن اتـاه بـايعيش وحـده ووحـشه وكـربه
مــا يـرا ابـنه ولا الـزوجه ولا لـه مـصاحب

فـيه يـلقا الـحساب مـاصلحه وايش كسبه
فـي الـحياه ذي جـهلها مـاحسب لـلعواقب

اح فـــي اح مــن دنـيـا لـمـن عــاش نـكـبه
حـين يموت الشباب تضلم جميع الجوانب

يـضلم الـكون والـنسوان فـي الـبيت نـدبه
والـعيون مـن بـكاهن فـيهن الـدمع سـاكب

نـشـكي الـوقـت مــن فـرقـة خـيار الاحـبه
ذي طـرحني فـي ايـام مـابها الـقلب راغب

عـيـشها كــل ابـوها ضـيق واخـزان صـعبه
نـحـتـملها ولــكـن حـــق والــحـق واجـــب

يـاخـد الـمـوت مــن نـغـليه فــي عـز شـبه
تــارك الـنـاس مــن بـعـده تـعيش الـنوايب

اح يـامـوت والـفـين اح مـن نـفس غـضبه
اكـتـوت بـالحزن فـي مـوت اعـز الـحبايب

سـاعـة الـعـلم كـنـها شـقـت الـضـهر حـربه
لـسـنها قــد سـكـن فــي صـلـبنا والـتـرايب

قــالــو ان الـمـسـافـر قـــد تــعـرض لـقـلـبه
واغـترب لـلابد ذي كـان مـع الـموت راكب

مـوت هـايل بـقي فـي واقـع الـناس ضربه
مـنـها احـتـرت فـي الـتفكر والـروح تـاعب

فـاقـد الـوعـي مــا بـالـنفس لـلعيش رغـبه
بـعد مـن فـرقته جـات مـن كـبار المصايب

غـبـن قـلـبي لـبـوه ذي كــل سـاعـه بـنـوبه
مــن دمـوعـه يـلـين الـصـخر الـصم ذايـب

واخـوتـه والـعـيال ذي كــان يـنـادوه يـابه
والـمره ذي تـضيق ذاهـو عـن البيت غايب

حـزن قـلبي عـليه كـان لادعـاه شخص لبه
جـيـد فـي الـطارفه فـي غـرم ولا حـرايب

لـيـت والـمـوت ســاوم فـيه بـمبلغ ونـسبه
نـفتديه بـالعيال والـمال ومـا قـال اجـاوب

بــس مـاشـي مـفـر لـلشخص اذا الله حـبه
ارسـل الـموت مش حاسب لشبان وشايب

فـي يـده عـمرنا مـكتوب فـي الـلوح كـتبه
نـحـمـده فـــي الــذي قــدر عـلـينا وكـاتـب

اســـال الله يــكـون الـقـبـر روضـــه وقـبـه
فــي وسـط جـنته والـنور مـن كـل جـانب

والـف صـلوا عـلى الـمختار فـرج كـل كربه
الـشـيفع يـوم كـل إنـسان مـن الاب هـارب

الــشـاعـر ابــــو حــمـدي مـحـمـد الـجـمـل

#شــــهـــرت_الـــحـــرب_والـــلـــقـــب

تـحيه لـصاحب يـعرف الـحق للصحب
ويـعـرف مـكـانه حـول شـينه وصـايبه

يـوقـع عـلى الـدنيا ومـا يـحمل الـتعب
ســوى ذي نـوى لاهـله وربـعه مـحاربه

يـشـل الـوباء والـضيق والـهم والـكرب
ويـتـعـب حـيـاته فــي زمـانـه مـراقـبه

دلا يـابني عـمي لـييش كـثرت الـشغب
وليش المهاراه في الصليب والمضاربه

دلا طـال ما الشغُله امام الجميع مطب
عـيال عـم مـاشي فـايده فـي الـمعاتبه

على المحكمه والجيد من شل واغتلب
عــداوه تـبـان فـي الإدعـاء والـمجاوبه

وبـالـحق كـلين يـاخذ الـباب والـحطب
ومــا حـق يـهدر طـال مـا فـيه مـطالبه

يـكـفـي تـبـجاح مـحـدا مـنـكم انـتـهب
ولا بـه شـريكات تـحنبو في المحاسبه

ومـن حـب ياخد شهرة الحرب واللقب
قـلـوله قــد الـدوله مـن الـحرب تـاعبه

يـشل الـمواعض من جراده مع الذهب
ومن غيرهم كم ناس مع الحرب ناشبه

يـكـفي عـدامه قـبل مـا تـزحف الـركب
امـــا الـمـشـاكل صـلـحـو كـــل خـاربـه

خـذوهـا نـصيحه قـبل يـتبرقع الـشنب
وقـبل الـجرب تـبقا مـن الخوف صالبه

وكـلين مـعروف فـي مـقامه ولـه رتـب
بـشـخـصـيته لاتـسـمـعو قـــوم كــاذبـه

لان الـقـهد شـومـات ودوارهــن جــرب
وفـيهن وبـاء كـم نـاس إذا حـل هـاربه

الــــشـــاعـــر مــــحـــمـــد الـــجـــمـــل

في رحيل المغفور له باذن الله رفيق علي دحان الشظمي
الله يرحمه ويرضى عنه


قـال ابـو حـمدي اوجعني فراق الغضنفر
ذي بـموته جـعلي عـقلي مشتت ومحتار

واوجــع الـتالبي مـثلي بـالاوجاع واكـثر
لـن سـاعة فـراق الـجيد كـم نـاس تـنهار

والـحـزن فـي قـلوب الـكل ضـيق وكـدر
عـيش مـن كـان سـالي بـال بالليل ونهار

اضـلم الـجو كـن الـشمس غابت عن البر
داخــل الـتالبي والـكون مـن نـورها حـار

إن مــا مــن بـلا مـاحل مـا شـخص فـكر
ان شـمس الـضهيره مـنوره كـل الاقـطار

والـعـيون اسـبلت بـالدمع والـقلب مـقهر
والـحنين فـالوجيه والـكون بالواقعه دار

لــكــن الــحـمـد لـلـمـولا بــمـا ادا وقـــدر
والـتـبسنا لـبـاس الــح،رب نـتـبادل الـنار

هـبـت الـتـالبي كـالموج الاكـبر والاصـغر
لاشـوامخ حـديد تـاخذ مـن الجاني الثار

اخـتـفا وقـتـها والاهــل مـن مـا عـلم فـر
مــن بـلاده ولا رجـال بـقي داخـل الـدار

والاخـيـر اجـنـحو بـالـعهد يـتفادو الـشر
انـهـم جـانب الـدوله عـلى الـجاني الـفار

واقـلبت حملت الدوله طقومات وعسكر
يـمنعوا ح.رب مـخلافين مـن شان حفار

اسـتـجـبنا لــهـم وال. دم مـاضـن يـهـدر
لـو مـن اجـله فعلنا يوم سع يوم ذي قار

لـين مـا نـطرح الـجاني وجـنبه حـدعشر
مـن خـيار الـرجال كـي يـعتبر كـل غـدار

دام والـتـالبي مـعـبر قــدا شـوكـة الـجـر
عـندما يـصدر الـتوجيه تجي سيل جرار

مـايـضيع دمـنـا طــال الـزمـان او تـقصر
انـمـا نـمـهل لـلـدوله تـحرى فـي الاخـبار

يـعـتـمد حـقـنـا والان مـــن مـــات يـقـبر
اقـبرو يـا زبـيد والـموت فـالحرب مقدار

آه يــا بــو ريـاض فـرقاك طـعنه بـخنجر
اســال الله يـغـفر لــك فـهـو خـيـر غـفار

يـدخلك واسع الرحمه ويكسيك الاخضر
فـي وسـط جـنته ذي تحتها تجري انهار

واســال الله يـعـوض مــن بـفـرقاك تـاثر
اخـوتك والـعيال والـعم والـخال والـجار

يـرسـل الـمن والـسلوان والـصوب يـجبر
في قلوب الجميع والصبر حكمه للاحرار

والـصـلاه تـبـلغ الـشـافع لـنا يـوم نـحشر
عـدما الـسحب قد لمت وما شنت امطار

مساجله البدع من الشاعر محمد الحمزي
مرسل الى الشاعر محمد الجمل


يالله اليـــــــــوم دام ابن الجمل قام غــــاوي
ضيع الـدرب يتـــــــــــبع له طريق الغـــوايه

بكَّـــــر الصـــبح يتحــــدى وللشعر هـــــاوي
في طــــريــــقه مضـيع للحِكَم والهـــــــــوايه

ما درى اننـــــــي للخــــصم قاتل وشــــاوي
كم نمــــــر في لظى حرفي شويته شــوايه

ما يفيدك صراخك ياجـــمــل والحـــــكاوي
باجعلـــك عبـرة التـــاريخ واروي الحــكايه

دام ابو خالد الحـــــــمزي مــــــؤلف وراوي
كم كُتُب كم قـــصايـد ثابتــه في الروايـــه

مثلما الذيب في الغابه ولي صوت عــــاوي
والثعالب تخــاف الـذيب منــذو الــبدايـــه

بانهش القــــلب وافطــــر بالـكبــد والـكـلاوي
بـا تجيــني بنعـــش الحــرف وســط الـملايه

ذا خـــــرج فصل والـــثاني كثير البــــلاوي
عـن همـــــــوم اليمن ذي مالهاشي نهــــايه

كل واحــــــــــد مبيّت للخصومه ونــــاوي
بندق الحــقـد حـــامـلهـا ونـاوي الرمـــايـه

نـارالاحــــقـاد شبت جمـرهـا جمر كــــاوي
واغلب الناس قد ضيع طريق الهــــــــدايه

مـادرينـا بهـــــذا الـدرب من با نخــــــــاوي
زاد هــــــرج الغبا والبلبله والوشـــــــــــايه

واعظم النـاس تلقى في طريقه مـــــــلاوي
شـــــغلته ينشر الباطل ويفعــــل دعـــــايه

والمــــــرض منتشر ما شي لقينا مــــداوي
والذي شب حـربه لاجل مقصد وغـــــــايه

بــــس قَسم الــزمن با نأخــذه بالتــــساوي
با يجــــــي دور من يفــرض عليــنا وصايه

بااسألك يا زعيــــــــــم الشر لا وين ضــاوي
كيــف بابليــــس ســوى في عيـونك غشايه

كيـــف تهنى وجارك من بلا الجوع خـاوي؟
تنتـــــــــعم في الـدسم والجـار أكلــه نفايــه

كبَّـــــل الفـــــقر ساق الــــناس لليَـــــد لاوي
زلزل الشــــــــــعب قد دمـر حصون الحمايه

اين عقـــــــلك من اركان الكتاب الســماوي؟
هل تجـــــــــــــاهلت قول الله فــي كل آيه؟

تتــــــبعـون الضلاله والفــــــتن والخـــطاوي
كل مقتـــــول في شعبي لديكم جــــــــنايه

با اشــــــــــتكيكم لمن هـو للسماوات طــاوي
كالســــــجلات في أمره طـــــــــواهن طوايه

لا هـــــنا باكتفي فـــــــي رفع كل الشــــكاوي
والصـــلاة عالنـــــبي ذي نور هـــــــديه وقايه

منتــظر ردك المـأمــول فـــــــي حـــرف واوي
احبكــه حبـــك واجعــــل من حروفه بــنايـــه

#الشاعر_محمد_الحمزي

==========================


جواب الشاعر محمد الجمل
على الشاعر محمد الحمزي
--------------
قــال اخــو نـصـر لـو تـصدق عـليك الـدعاوي
كـــان صــابـك شــلـل ويـشـلـشلوك بـالـردايـه

مـا اطـوف فـي هـواك بـالحرف سارح وماوي
لا ولا اتـعـبـتـني فــــي خــــط يــــدك قــرايـه

لان هــرجــك كــثــر يــاصــاح هـــدره وداوي
كـــل يـــوم مـعـركـه مــا فــزت حـتـى بـرايـه

لــكــن الـقـاظـيـه ذلــحـيـن تـخـلـيـك عـــاوي
مــثــل ثــعـل الــبـراري كـــل ســاعـه عــوايـه

قــــف لا تـهـتـري فــوقـي ودرعـــك كــسـاوي
اخــرقــه يـاغـبـي لا ارمــيـت فــوقـه مــرايـه

كـــم رجـمـنـاك وانــتـه بـالـشـواقيص تـمـاوي
مــــا فــهـمـت الــكـلام ولا سـلـمـت الـهـجـايه

لــو فـهـمت الـكـلام مــا افـنـيت كـل الـهراوي
ضــــرب أمــــا تــتــوب ولا قـبـلـت الـوصـايـه

بــس مــن قــد تـعـود فــي الـحـياه الـمـكاوي
يـعـتـبر قـــد دواه مــوجـود بـسـيـخ الـكـوايه

يــــا مــحـمـد كــفـاك الــهـرج شـــد الـــزواوي
لا بـنـيـت الـحـبـش مـــد الـخـيـوط بـالـزوايه

احـــــذر الـــلــوم لا تــســمـع بــحــاوي ولاوي
هــو مـسـلسل وذي مـثـل قــدوا فــي الـعنايه

افــهــم الــشـعـر لا تــدمــن لــكـثـر الــحـزاوي
والـــــذي تــعـرفـه جــبـيـه طــيـبـك جــبـايـه

هــكــذا فــصــل والــثـانـي لـشـعـبي يـــداوي
يــــا عــسـى والـهـثـي يــتـرك لــهـذا الـهـثـايه

ســـم الاحـقـاد والـحـساد مـنو فــي الـعـلاوي
يـحـسـدوه كــيـف لــمـا شـــل هـــذا الـعـلايـه

ســمـهـم لا ضــهــر عــالــم بـعـلـمـه يــخــاوي
أســرتـه قــالـوا انـــوا عــاش تـحـت الـرعـايه

هـــكــذا طــبـعـنـا لاشـــــي مــعـنـا مــضــاوي
لا وقــــــع بــيـنـنـا قــلــنـا مــنــيـن الــهــدايـه

والــطـمـع والــهـلـع يـمـعـي بـصـيـر الـفـتـاوي
لا لــقــي سـهـمـتـه يـهـمـي حـقـوقـي هـمـايـه

قــوم تـحب الـفساد فـي الـمجتمع والـرشاوي
والـجـرع فــي مـواد الـعيش حـرمت الـسبايه

كــــل خــايــن ومـتـبـلـطج بـجـرمـه يــسـاوي
كــــل شــومـه حـمـانـا الله مـــن كـــل جــايـه

والـفـقـير لــجـل عـيـشـه بــاع كـلـوه ويــاوي
يـسـبـر الـبـيـت والـمـكـتوب مـــن الله كـفـايه

لا حــمــايـه ولا تــامــيـن ولا ســــور حــــاوي
عـشـتـه مـــن ســبـاع الـغـاب ولا لــه سـعـايه

ذي مـعـه قـرش كـوب الـشاي وسـط الـقهاوي
سـافـر الـغـرب كــل اسـبـوع يـكن فـي ولايـه

قـصـدهم يـبـعدوا عــن وقـت لـلجسم شـاوي
والـمـسـاكين عــلـى الـمـسؤل يـبـقوا حـجـايه

واكـبـر الـعـيب فــي الـدنـيا بـمن عـاش راوي
مـــن نـعـيـم الـحـيـاه الــيـوم يـــدور غُـطـايه

لــجـل مـــا يـرجـمـه ســيـده يـزيـد الـرجـاوي
بــعـد مـــا كـــان لـــه شــهـره وعــنـده كُـنـايه

والـتـحالف قــد احــرم كــم شـبـاب الـعـكاوي
كــم عــرس يـقصفه ويـقل خـطأ مـش غـبايه

دمروا كم حصون في الشعب تسوى المساوي
كـــم مـخـيـم قـصـف كــم دور فـيـها الـعـزايه

شـعـبنا اخـتان وراس إبـليس يـحاول يـغاوي
مــاســك الـقـبـيـله يــغـريـه بــحــق الـدفـايـه

هـكـذا فــي الـيـمن مـاشـي مـجـال لـلـتساوي
الـضـمير مــات مــا بـاقي سـوى الـروح حـايه

ذا جـــوابــك وصــلـيـنـا عـــلــى خــيــر راوي
ديـــن الاســـلام اصــلـي مـــا تــلـوا كــل آيــه

حسين الوصوف


ادمنت انــا في غــرامك يا حسين الوصوف
ادمــان هاوي مــولـع في سماء الحب طاف

انته منــا القلب غيـرك في الحياه ما اشوف
ولا ســــواك يـــا حبيبي لـــه بعشقي مشاف

هويت جعدك وخدك والخضاب في الكفوف
والانف منصوب ســـنـامه والشفايف رهاف

والعنق مــثــل الـغــزاله والحواجب سيوف
واعيــان خلين فـؤادي فــي نضرهن يخاف

والـــصــدر بســتــان يتهنا القليب القطوف
من خير الاثمار ذي هن في الحموله خفاف

وقت اذكـرك يــا حبيب القلب كل الحروف
توصــف جـمـالك وطيـبك والحيا والعفاف

مشتاق لوصلك حبيبي بس هــذا الضروف
ترغمني ابــــعــد ومــــا حقق بحبي مطاف

في الهجر روحي لقربك يامنا الروح شغوف
متى يلاقــيـــك فـــي ضل السنين العجاف

كم لي معذب وصايم مـن حنــانـك عطوف
اربع سنين جــــات وانــا والهوى في خلاف

يطويني الشوق ونفسي في المعيشه تعوف
مـــاكــان طعمه حــــلا يـــازين تغير وجاف

يا غــربة الويل؟ قـد ابكيتي عيـون الهنوف
سنين هجران وجيبي فـــي مطافش حراف

الــشــاعـر ابــــو غـــــاده مــحــمــد الجمل