== بارك لشعب اليمن بالنصر والوحده == للشاعر توفيق الماطري

لماطري قال ياواحد صدق وعده *** ياعالما ما خفى صدري وكل ماريد

ياخالق الخلق والارزاق من عنده *** احنا عبيدك اله الكون وانت السيد

ياملجائي والكنان في السلم والشده *** الهم لقلبي طريق الحق والتوحيد

وابعث صلاتي على من لانبي بعده **** شفيعنا يوم حامي بالغ التعقيد

الهاجس اقبل بيحمل لي ندى ورده *** حيا بهاجس ارحب به بلا تحديد

بارك لشعب اليمن بالنصر والوحده *** يوم التوحد هو اغلا يوم بالتآكيد

اثنين وعشرين مايو به بلغ قصده **** شعب اليمن صد باب الخوف والتهديد

فيه انتصر شعبنا وانهى شبح حده *** وبه سلكنا طريق المجد بالتاكيد

وحده بها شعبنا الثائر بلغ رشده **** في عيد مايو عملنا للاباء تجديد

نطفي لنار الفتن في لحج اوصعده **** ونحتفل كلنا قدوم هذا العيد

احنا مع شعبنا محد نقض عهده **** ما باتسفق يد الانسان دون الايد

زال الامام والامامين من بعده **** ومن سعوافي شتات الشعب والتشريد

يذكر حفيد الامام ماذا صنع جده **** غير السلاسل وسجن الناس والتقييد

واللي اراد انفصال ماسك على خده **** التجربه فاشله واليوم لها بيعيد

ذا شل حقه وهذا حللو جلده **** وذاك يقتل بيد سجانه العربيد

على الجنوب بالشموليه فتح عهده **** والخوف والجوع والاقصاء والتجريد

واللي بيبكوا عليه هم جزء من جنده **** وهم تلاميذ امير القتل والتابيد

عهد الظلام انتهى لن نرتضي رده **** واسم الولايه لدينا ما لها تخليد

ما شفت خير الانام رشح ولي بعده **** ماقال بعدي ابو بكر اوعمر او زيد

يكفي العراق ما حصل هم سببو هده **** بالعنصريه وبالتشييع والتكريد

وكل واحد يقول الحق في بنده **** واليوم بغداد زادو نارها توقيد

تبكي دموع الاسى من يمسح النهده **** للرافدين بعد فتنه ما لها تحديد

شعب اليمن لاتؤيد ناس مرتده **** اوتستمع شلة التكفير والتهويد

اذا راو بك تقدم جت لهم عقده **** يشتو يبيعوك بالحاضر وبالتقصيد

ياقائدالشعب لاتامنش من قصده **** يرد فينا زمان الظلم والتشريد

عهد انقسام الوطن الله لارده **** زمان قتل العقول والنفي والتجميد

احذر رموز النفاق من مد لك يده **** وقال احنا معاك يالقائد الصنديد

من . وحدوي بالنهار يظهر معك جهده *** وبالعشي للاعادي عبد يخدم سيد

هولا هم اعدا الوطن عاله على الوحده **** لاتامن اللي مواقفهم بلا تحديد

انه امام الرئيس يموت بالوحده **** وان شاف خصم اليمن زيد له التمجيد

جلاب الاعداء من بلده الى بلده *** ومن يخون الوطن اظهر له التاييد

الحر ما ينسلخ في يوم عن جلده **** ومن تامر لهدم الشعب ما هو جيد

عهد الشتات اندثر والخير جا بعده **** يابلبل الشعب زغرد واكثر التغريد

لا احنا مع الانفصال ولا مع الرده **** ولا مع المرتشي والفاسد العربيد

من اجل نبني وطن نستاصل الغده **** وننهي الاختلال ونكمل الشييد

مافيش خاين وطن يوما بلغ قصده**** ولا الزعيم الاصيل نستبدله تقليد

الماطري . للنبي صلاه الى لحده **** شفيعنا يوم فيه الجمع والتفريد

توفيق الماطري == ابو شايف
توقيع tawfeg