خاطرة حركها موقف..

يافقير!!
قالها يسخر كبر ولد القصور
قالها يضحك ويشر للحضور

قلت لحظة....
يااللي ذابحك الغرور ..
لا تظني حيل معدم ..
أقدر أكشخ واتهندم ..
صح فقير ..
بس من الصعب يقهر
ماارتفاع راسه
غرور
وماانحنى للذل أكثر

فقير و يطربه الكفاف
مهما في دنياه شاف
غير ربه ما يخاف
نام جايع.. بس شبعان احترام
عارف ادروب الهداية
تارك ادروب الحرام
وانت ياولد الكرام !!.روح نام .
خلصت السهرة يا جاهل في الفقارى
روح حاول ..كان تقدر !
والا اقولك
.روح حاول في المنام .
بس تذكر.إني أغنى منك..
في اقتناعي ..في ابتسامي
حتى في وزن الكلام ..
وكثير أضحك ..بس ضحكي باحترام .

تدري واصل في السهر..
وأنا بمشي
كثير خانقني المكان.
وتدري ليه؟
اشتقت للفقر أكثر .
يوم شفتك في غنى
بس للأخلاق أفقر ..