لا تجرح خدودك ترى الدمع يجرح

السلام عليكم ورحمة الله وبركاته
ــــــــــــــــــــــــــــــــــــــــــــــــــــــــــــــــــــــــــــــــــــــ

~{ لا تجرح خدودك ترى الدمع يجـرح
ان ما جرح خدك جرح قلب مغليـك..،

~{ ما للبكا فـي عينـك اليـوم مطـرح
قلّي وانا ابكي عنك يا عل ما ابكيـك..،

~{ ما احتاج اقول لك انت واعيد واشرح
ان الغلا يـا اول غـلا هايـمٍ فيـك..،

~{ وشلون يبرح قلّـي اشلـون يبـرح
حـب تمكـن فـي خفـوقٍ يباريـك..،

~{ الخافق الـي فيـك بالحـب يسـرح
كنّه سفينـه مـن بحـرك لموانيـك..،

~{ يحب..يهوى..يعشق..القلب مسـرح
لحبك عسى قلبي مع الـروح يفديـك..،

~{ واعرف تراني فيك اضيق وبك افرح
وازعل على شانك وازعّلك وارضيك..،

~{ بس انتبـه للدمـع لا سـال يجـرح
قلبٍ يضمّـك مابـه احـدٍ يساويـك..،