تكفين خلي الباب مصكوك

~ ~ ~ ~ ~ ~ ~

[ "]قالت لي امي ياولدي شف شبابك
وارفق على نفسك ترى الناس شافوك ]




00000000


شافوك متغير وحاضر غيابك
ومشتت فكرك وللهم [ مملوك]



وقالت لي اسمع كنت احس بمصابك
ابكي دموعي هم واشكي على ابوك




كنت ارتجي ظلك وماطر سحابك
ونسمة هواك تشيل عن دربي الشوك



ارضي عذابي لجل اشتت عذابك
مابي تحس انك اذا طحت متروك



عهد الطفولة كنت احظن ثيابك
لارحت تدرس وانتظرهم يردوك


واشرب بقايا مابقا من شرابك
لارحت مستعجل وخايف يخلوك


اساعدك تحفظ حتى غلاف كتابك
اضمك اذا رديت متعب ومنهو ك


اليوم ليش يا وليدي زاد اكتئابك
والي يبونك من سواياك عافوك




قل لي علامك اليوم ياوليدي قافل بابك
عن ربعك وناسك مقفل بابك مصكوك

والناس الي تحرق لهم مابقابك
ما أظنهم كثر الي فيك حبوك

ابسئالك وانتظر يا حبيبي جوابك
تدري بأن الناس مافي يوم حسوك

امسح دموعك لايخيب الرجا بك
منت الذي يضعف وينهار ارجوك

واقفت وانا ساكت وفكري متشابك
وجسمي كأنه كهرب بسلكه مشبوك

نادتيتها يمه ذبحني عتابك
تكفين 0000يمه 000خلي الباب مصكوك


تكفين خلي الباب مصكوك