فراق وطن وحبيب

المضرحي قال من غدرالزمن حنيت............ كم عام واناأذكرالآهات واخفيها
من جور هجري لكل احبابي اتناسيت.......... حتى الذي كنت في قلبي مخبيها
عاداني الكل واناللكل قد عاديت..........وسبت دياري وانا ذي كنت حاميها
عاشق رباها ومهما قلت أوسويت.......... ماأعطيها حقها ذي ربي اعطاها
لوخيروني بلندن قط مالبيت.............. أوأرض روما وماهوفي مبانيها
لوزخرف الأرض ملكي قط ماشكيت.........اني لـ إب الحبيبه ماقدر انساها
ذي لأجلها عشت بالأحساس واتمنيت.......ماتغفل العين لحظة عن مرائيها
واتنكر الي بعمري قط ما ظنيت..............ينسى الليالي ذي كنا نقضيها
نتذاكر أحلامنا وابديت له ماخفيت.........وعلمته اسرار ذي ماقط نحكيها
شلت فؤادي وانا يا ناس موشليت.........غير العذاب الذي للروح ينسيها
كانت ملاذي إذاما اقبلت ولا جيت........وكانت سلاحي وخلق الله اعاديها
واليوم ولت وانا من بعدها وليت.......والعين من بعدها سالت مساقيها
واتمرغ القلب بالأحزان واتكويت.....حاولت نسيانها بس كيف بنساها
إن شلتها من لساني ساعه اتناسيت... ذكرني القلب في ما كان ماضيها
عايش هواها وين ما حليت............. ساكن بلاعماق في روحي يشويها
ماراح ودع ومهما لأجلهم صليت....... مابايردو لروحك قط ماضيها
إقنع فؤادي شوفني مليت ............. ما اللي بقالك داخل اراضيها
واطلب من الله يغفر كل مازليت........ وارحم حشا الروح قد جفت مساقيها
والختم اصلي عدد ماأحرم وزار البيت.......على المشفع لكل الخلق هاديها