ابـوي رباني على الدين والطيب

[TABLE1="width:95%;background-color:black;"][CELL="filter:;"]

ابـوي رباني على الدين والطيب

من خــوف لاتلقى عـليّ المعـايب

وانا طفل لاخطيت يقول لي عيب
واخـافــه اليـا خطيت لوكان غايب

عـوارضـه ثلاثة ارباعـهـا شـيب
مـن كـثـر شـوفه للعـبر والعجـايب

منجّـضـتـه وحامســته التجـاريب
شـيـبـات دقـنه للتجـارب ضـرايب

مدرّبـاتـه ســود الايـــام تـدريــب
نصـــايـحه كـنت اعـتبرها غـرايب

وجـرّبت معظـمها بهالعمرتجريب
ولقـيـت ابوي بكـل مـاقـال صـايب

وانااعـتبرها في حـياتي مكاسـيب
وبعـد تـفـيـد اهل العـقـول اللّبـايـب

حفظتها خلف الضـلوع المحـاديب
تجـري مع اللي بالشـرايـيـن رايب

ابـوي مـاعــدّت عـلـيه الـزواريب
كل العـــلـوم الغــانمه لـه جـلايـب

محـبوب مـاتـلقى عليه المهـازيب
مهيـوب ماتجـسـرعـلـيه الـزلايـب

وعند اللوازم ينتـثـر نخوه وطـيب
غـيثه على اللي يـسـتغـيثه سكايب

مخضّبه يـمناه بالطـيب تـخـضـيب
ولـه سمعة تربعت بالجذايب

عـلّمني اشــلون التـزم بالمواجيب
وعلّمني اشـلـون ارتـكي للّـنـوايب

حـذّرني عن درب الخزاوالعذاريب
وعـيوني مـا خلا عـليها عصـايـب

يقــول بالمجـلس توقّـع عن الريب
وقـلّل كلامـك واحـتـرم كـل شـايب

وان جا مجالك رتّب الهرج ترتيـب
ولا تجادل الربدي كـثـيـرالطـلايـب

يقول قلل سجتك للاجانيب
واقصـر خـطـاك الا لوصل القرايب

ويقـول لايخـدعك بعض الاصاحيب
لــواضـحـكـو ماكـل ابوهـم حـبايب

تسـعـيـن بالميّه عـيونه على الجيب
وهـمّه مهــند وشّــواليــوم جــايب

وان راح مالك علقو بك كلاليب
وحـطّـو لجـثـمـان الصـداقـه نصايب

دايــم على مجـلسـك مثـل الدغـاليب
ويقـضـون لا حـلّـت عليك المـصايب

خــاو الذي لـه بالجـمـايـل مقاضـيب
وللمرجله دايم يسوق الركايب

عدٍ ليا قلت عليك المشاريب
وســلاحٍ الـيا صاربـيـدك منت هايب

حصــن منيــع ولا بسـاسـه سراديب
يذريك لا هبت عليك الهبايب

هذا هو اللي يستحق التراحيب
اللي يبين ليا دهتك الصعايب

ولابد مـابـالـناس بعـض الشــواذيـب
الكامل الرحمن جزل بالوهايب

مـثـل الـقنـو فـيه الـرطـب والمذانيب
وفيـه البلح هـو والحجف والشوايب

مـايـنـجّس الـمنهـل قـلـيل القشـاريب
ولا يعيّب الدره عجور الحلايب

والـصــقر دايـم مـدهــلـه بـالمراقـيب
والبوم تلقى موقعه بالزرايب

والـمـزح لانــه زاد ســوى مضـاريب
يضيق منه اهل الصدور الرحايب

وضــمايـر الاصـحاب عقبه مصاويب
وبـعــد تـشـيـن اخــلاقــهـم والذهـايب

مـتـلـطـميـن وعـن بعضـهم مغاضيب
وعـقـب هــك التقــدير شـتم وسـبايب

وابلـيـس لـه في مجـتـمعـنا مـنـاديـب
يولـعـــون مـــن الشـــــراره لــهـايب

وادعس على الزلات تحت العـراقـيب
واصـــبرعلى الــزلــه وفــك النشايب

مــادام مـاوصــلت لمســك الـتـلابـيب
ماعــــاد لــه داعـي تشـــب الحرايب

لاصــار ردك دايــمـاً بـالـمـشـــاعـيب
تســـتـوحـد وتـكــثـرعليــــك الغلايب

ونــقــل الكـــلام اللي بلــيــا مكاسـيب
والنهــش باعــراض البشــروالهزايب

لاتـحـســب انـــه لايــودي ولايــجيـب
مع الــزمن يصـــبح وخــيـم العقــايب

[/CELL][/TABLE1]

إختيار موفق
نقل مميز
تسلم اناملك يالغاليه والمبدعه همس

شكرا ع مرورك المميزِ ..

سعــدت بـ توآجدكـ هنــآ ..
كــل آلوِد لك .. -

ونعم فيك وفي اصلك
همس
انتقاء رائع كروعتك
فخر واصاله وشيمه واعتزاز