(( قلبي تفاحة ))

أقدم لكم قصيدة جديدة بقلمي للاعضاء الغائبين عن المنتدى
اتمنى الن تنال اعجابكم

الي شفته في وصالك مو شويه
...... كيف أصبر و أنا في وصلك أعاني

جيت لك شايل خفوقي بين إديه
...... ما بغيت إلا من أيامك ثواني

ما هجيت الدنيا في قربك رديه
...... و قلبك إلي لو طلبته ما عطاني

لا ترجاني و أعدي لك.. خطيه
...... و كل ما أزعل .. تسمعني أغاني

أعطيني حريتي .. أطلق إديه
...... إنني أعطيت .. لكنك أناني

بس تبي تاخذ ولا ترد العطيه
...... وغيرك اعطى بس منك ما خذاني

مابي منك .. عطورات و هديه
...... كنت أبي قلبك يبادلني حناني

قلبي تفاحة .. و حبك جاذبيه
...... ما نطرني أستوي .. فجأة كلاني

لا تجيني تعتذر .. عينك قويه
...... لأن قلبك من عذاريبه ملاني

تحياتي ..