مادمت اشوفه ماعذر منه ولازم محمله

يقول أخو فيصل لقيت إنسان ربي كمله = مخلوق متميز ولا فالناس سواء له مثيل

ساعة لقيته صابني رمشه في أول مرحله = واليوم باقي في الهواء من رمش محبوبي عليل

حبه سفك دمي وشل الروح صارت ملك له = وأتذكره دايم حبيبي عن خيالي مايميل

شوقي على لقياك يامولى رموش مكحله = واديك عهدي مايقع محبوب لي عنك بديل

لاتستمع هرج الحسد اهل الوسط والمحيله = لاتستمع فيا كلام الناس ذي ماله دليل

أنا المعذب في المحبه في طريقي عرقله = لكن على كثر المواجع والندم صبر(ن) جميل

لا قلت ازورك دونك البيبان صارت مقفله = طوقوها بالحرس يازين ماوصلك سهيل

ياسلس غالي من ذهب والماس لازم موصله = لابد من لو على شأنه يروح مئة قتيل

مادمت اشوفه ماعذر منه ولازم محمله = مع سنين الوقت باشله ولو وزنه ثقيل

لو شب نار الحرب وسط الشرق الأوسط بكمله = لابد يهدى قلب أخو فيصل وراء الصبر الطويل

عايش على شأنه ودايم في الحياة اتأمله = تعبت من شأنه وعيشه دون شوفه مستحيل


بقلمي