بدع جديبدي مني مرسل للعمري ابو مسعد((((عندك الحرّيّه يا بو مجلّي تنهجم

المشاركة الأصلية كتبت بواسطة اباالوليد

قلت انا ابدأ بربي من بالاسرار يعلم=ذي خلقنا وصوّر با نطبق كلامه
رازق الناس بالخير الإله المعضّم=كل واحد على الأرض جاب ربي طعامه
غافر الذنب وحده ذي يعاقب ويرحم=كلنا نستجيره من عذاب القيامه
أحمد الله واشكر ذي خلقنا وعلّم=ما تسبح وتسجد له عباده وقامه
بعد يا هاجسي هات بالحقيقه تكلّم=نضّم ابيات شعري في عصور الضُلامه
وانتقه حرفي الحر وارسله للمخضرم=سلمّه لابن مسعد وصلّه لا مقامه
واهده الورد باقه ورد من حالي الشم=ورد مني حقيقي من حقول المنامه
بو وليد الجشوبي بالقوافي متيم=ينشد الخير للكل والهدوء والسلامه
صاحب الحرف الاول والسجال المنضم=لا نوى يكتب الشعر من يوقّف أمامه
قلتها من مكاني ليت والناس تفهم=ليت والناس تدري قبل هدر الكرامه
قبل هدم المنازل والبشر يشربوا دم=قبل ما الدهر يعلن عا البلاد انتقامه
واين ابو مسعد العمري بكيفه يكلّم=يقلّنا ما سبب كرهه لهذا نضامه
وقلّنا يا علي كيف المواضيع تحسم=قلّنا قلّنا بالصدق بطل عدامه
عندك الحرّيّه يا بو مجلّي تنهجم=فند \المشكله لو كان عندك شهامه
من بثوراتنا يا خي علي قد تحكّم=هم صقور العرب والاّ المناضل أوبامه
أو حكومة نجاد يا صاحبي لا تلعثم=أو حمد من قطر ذي قالوا انّه حمامه
هو حمامة سلام أو حرب يا عمري افهم=تنشدوا حرب او انتم من دعاة السلامه
شعبنا شعب كادح بالمواجع ملّغم=حاذروا لا يجيكم شعبنا بانتقامه
واحذروا تلعبوا وسط الشباب المحطم=ما يفيد الندم من بعدها والندامه
لو تريدو عبر ثوراة بالعُرٌب من كم=ما استفادوا ولا واحد تحقق مرامه
ثورة التونسي والشعب بالنصر ملزم=قلنا يا بطل من ذي هني في منامه
وثورة القاهره ذي ختموها بمرجم=والصراع استمر واليوم زادة صرامه
وليبيا يا علي بعد المشاكل محطّم=بعد ما طايراة الحلف دقة عضامه
وسوريا عادها سودا وبالحاله اعتم=فرس في سوريا سوو لكم كم علامه
وقبل هذا وذاك سوداننا ذي تقسم=قلنا يا علي من ذي امر بانقسامه
وضعنا مستوي والوضع هذا محتّم=وضع كل الدول ما با نشوف استقامه
منيتي يا علي والقى بلادي تقدم=دون ما شعبنا يرجع لعهد الإمامه
ليلة البارحه نايم على فرشي احلم=ان شعبي سلي من قعطبه لا تهامه
وان وضع اليمن سابر وماشي تأزم=وان ما قد سبق كانت علينا غمامه
عدّة البارحه والشعب بالخير ينعم=عشت بالحلم سالي في هنا وابتسامه
لكن الهاتف ايقضني من الحلم مرغم=هاتفك هزّني بالليل رد الغمامه
كن ما الحلم يا عمري علينا محرّم=زدة ما بيننا في هاتفك لي خَصامه
قوم بز القلم قلبي عليكم تورّم=زدتوا المشكله والوضع زدتوا صدامه
رد لي بالجواب واختارلك شخص يحكم=من تشوفه وفي ما اشتيش منّك غرامه
عندك المعتصم عبد الجليل المخضرم=لو تريده حكم ما شي عليكم ملامه
أو تريد الطبيب يوقف بصفك ويزهم=حكّمه يا بطل يمكن يفّك اعتصامه
المهم الحكم يبقى محايد ومفعم=ما يهم من يكون لو كان بايدك خطامه
المهم الجواب اللي تردّه مرقّم=سرد كل الحلول مهما تطول الإقامه
لا تقلّي حِكَمٌ والاّ حكاياة تسلم=غيثني بالحلول الوضع بين القمامه
وايش ما قلت لي بالرد با اقلك اسلم=المهم والأهم محد عمل لك فدامه
بالاخير السلام لا كل انسان يفهم=والصلاة والسلام تبلغ رسول السلامه

مع تحيااات عبده الجشوبي