مغامرات أمي تقية

بقلم/ Manhood

السلام عليكم
كيف جهالي وبناتي

لو تدرو ماوقع فيني اليوم


صلو على النبي وآله


قولو الرجال حقي مسافر البلاد ابوكم حمود انا فداله

قمت شحطت اللثمة ولبست الستارة والمغموق وسرت اتصرف للبيت من السوق

دجاجة وخضرة ولاشي حبحبه

عادني بسم الله غر دخلت السوق وبه مضرابة حنانه طنانه
سرت ابسر مابه مشو عليا غر ما نقول
واسمعو لكم على مصايحة

واحده بتبيع لحوح عفطة ساعي عشر مرات

بتتضارب هي وواحد مارضيش يحاسبها يرحم الله ساع ربعها

وهي تقله الباقي حق اللحوحه بصوت عالي


وهو يقل والله ان قد حاسبتش لش جني

وهي تفعل به اخبطططططططط وتقله بين اقلك الزلط شاخرجها من راسك

امانه كانت تنعور به من يد لا يد ساع الكره

وقد الناس بيتفرجو ساع اذي قدم والفين عليها

ما انا ابتلدت

قلت في نفسي ياتقية افعلي خير وسدي بينهم هو اجر


حين انا عاقلة وكبيرة عيحترموني


عادني بين اقول مايسبرش ياجهالي وصلو على النبي

مادريت الا وقد انا قاعه السوق


وقعت لي دهفة من بايعه اللحوح لوما نعورت بي لاهاناك

حرام ماعد اقدرت اقوم حسيت اني بين اسوم

مادريت ابسر اين استوجعت والا اتلفلف بالستارة والمغموق



فيني رحامه


وياسعم انهي عتعتذر ولا احد يقولها عيب

عادها قالت لي

والله لوما تريحيلش من قبال وشي

لأقلبش لحوحه


هي صورتها مشي آدميه مدري ماهي


مانا تقرصت العافية وقمت روحت البيت

قدانا مدحوسة ورجلي بتوجعني بين اجحبها جحوب


المهم لاعاد اتصرفت ولاشي

وتغدينا اليوم

طلع لك نزل لك

وسلامتكم

ههههههههههههههههههههههههههههههههههههه حاااااااالية