$$ حكايه جديده مع أحلــــى ساره(حوا خانم)$$

حكايه جديده مع احلى ساره (حوا خانم)
السلام عليكم ورحمة الله وبركاته

كيفكون شو اخباركون
انشالله مناح
هلا والله ومليون هلا باخواني زوار متصفحي المتواضع
مع احلى ساره السهره بتحلا

كل يوم بدى ادخل واحكى حكايه للاعضاء بالمنتدى
بس بدى احكيلكون من الاول يلى بدو يقعد يسمع القصه بدو يشرب قهوه وشاى
وعلى حسابه كمان
ايوووووووه من اولها بشرط اناا
الدفع اول
لك وين رايحين لا تخافوا خلص الشاى والقهوه مجانا
يلا كرمال عيونكوا
هااااااااااااااااااااااا

نبدا الحكايه يا اماااااااااااااره


حكايتنا (حوا خانم)

كان يا ما كان بقديم الزمان وسالف العصر والاوان لحتا كان .....
كان في وحدة أسمها حوّا .... وكانت حوّا ما عندها لاشغلة ولا مشغلة إلا القعدة على الشبابيك والفرجة عالجيران ....
وبيوم من ذات الإيام كانت حوّا واقفة عالشباك قامت شافت السّقا
عم يبوس الجارة ... قامت قالت لحالها ...

حوّا خانم لقيت كار ... رضت الله ورضت الجار ...
المهم حوّا حملت حالها ونزلت لعند الجارة .....
دقيت عليها الباب وقالتلها جاية أشرب عندك فنجان قهوة ....

وفعلاً قعدوا بأرض الديار جنب البحرة عم يشربو القهوة .... وكانت الجارة عندها كم بطة عم يحوصوا بأرض الديار ....
قالت حوّا لجارتها ..أنتي بطاتك ما بيحكوا ... استغربت الجارة كتير ... قالتلها : لا والله ..


قالتلها حوّا : والله أنا بطاتي بيحكوا كومة حك
قالتلها الجارة تعلميلي بطاتي الحكي . وبعطيكي على كل وحدة 25 ليرة ( وكانت ال25 ليرة بهديك الإيام تحكي )


المهم والله حوّا قبلت وأخدت البطات معها وراحت عالبيت ...وكل يومين تلاتة تدبح بطة وتاكلها ...هيك لحتا خلصوا .... حملت حالها وراحت لعند الجارة ....

قالتلها الجارة ...شو طمنينا صارو البطات يحكو ....
قالتلها حوا : يوه لكان .. صاروا يقولوا : حئا بئا باسا السقا







قالتلها الجارة: يوه يخرب بيتوون (بيتهن)
. شلون هيك عم يحكوا ... ما بدي ياهون ... خديون أنتي ....
قاللتها حوّا : يوه شو بدي أعمل فيون ..... ما بدي ياهون ...
قامت الجارة عطتها فوق كل بطة 25 ليرة تانية مشان تقبل تاخدهون ...
طلعت حوا من عند الجارة وهي عم تقول :
حوّا خانم لقيت كار ..... رضت الله ورضت الجار

بعد كم يوم .... كانت حوا ماشية بالطريق قامت شافت جنازة .....
سألت عنها قالولها هي جنازة ولد صغير ... قامت راحت لعند أهل الولد وصارت تبكي ....وقالتلون أنو زوجها توفى ... وقالولها أنو حلال تنزل معو ولد صغير بالقبر مشان يستغفرلو... وطلبت منهون تاخد الميت وتدفنو مع جوزها ....
اهل الميت وافقوا على هالطلب من كتر ما نشقت وبكيت




والله حوّا أخدت هالولد الميت ...ولفتو بلفة ولد صغير وحملتو على إيدها ونز
لت على السوق
تفتكروا شو بدها تساوى حوا بالولد المييت

بقيه الحكايه بتمى خبيتها وبكره برجع عالقهوه وبجيبا
انطرونى بكره المسااااااااا
مع حبى لكــــــــم:
<<أحلــــــــى ساره>>


انا بانتظار ردودكم ياحلوين عسب نكمل القصه....
وتوقعاتكم ايضاًً ونبي من الكل المشاركه

ومن اليوم مافي نووووم مع حكايات ساره....