سندرلا بالعدني <<طويله بس حلوة

سندريلا بالعدني ..

يحكى انه كان في بنت جميله اسمها سندريلا عايشه مع زوجة ابيها وبناتها التنتين

((أفراح وتهاني )) وكلهم كانو يسكنون في المنصوره بلوك خمسه وتلاتين



كانت خاله فوزيا (( زوجة ابو سندريلا )) هي وبناتها يستبدو ويبهدلو سندريلا

بهدال وهي مسكينه يصيحو فوقٍه وهي من لقف ساكت ولا تقول كلمه



ومن صور البهدله الي تتبهدلها سندريلا :

مره سوت لهم زربيان للغداء وقربت الاكل و بدؤ البنات بالانتقادات



أفراح: ماااالو الشتني كدأ ما يلهبش

تهاني: ما الشتني يا سهلا خليها تجيبلك بسباس قرون بس البقره سندريلا

ما جابتش عصير التانج

الام:ملي بس يا بناتي ماتعرفوش تاكلو من غير هدره .

سندريلا وصي قايد الحارسي يجيبلك فيري عشان تفحسي السامان





وفي يوم من الايام قرر الامير الزواج قائلا للدوق اسمع يا زهدي انا زحفت من العزوبيه

ومهوازة البنات بالحوافي . الصدق انا اشتي اتزوج واشتيك ترتبلي حفله وتعزم بنات

الحوافي كلِه زي المنصوره وحاشد وخور مكسر , بس شوف ما اشتيش

بنات المعلى والتواهي ما يعجبوناش يجو كدأ شطاحات .



الدوق: ولا عليك الا تتزوج حبه زي امل كعدل



بعدما وصلت بطاقه الدعوه لبيت الحاج ناجي ((ابو سندريلا ))



الام: افرااااااااااح تهانييييييييييييي تعالو



افراح: وييه تهاني جايبي امك

تهاني : مالك صنجه ما تسمعيهاش تصيحلك



الام: الله يزيلكم ما تسمعوش



افراح و تهاني : هاااا ايش ياماه في حاجه



الام : ايوا ولا ايش , مش الامير يشتي يتزوج وعمل حفله عزم فيبٍه كل البنات ,

يلا يا مليحات دورولكم تياب . ويه افراح لاتعمليش بلح زي المره الاولى كان شكلك

زي الخادمه , وانتي يا تهاني اوبهي تلبسي التوب الاصفر قدك سودا بيكون

شكلك زيا لموزه الخايسه . ويييييييييه سندريلااااا تعالي .



سندريلا : ايوا يا خاله

خاله فوزيا : شوفي اني والبنات معانا حفله عند الامير اليوم بعد

صلاة المغرب اشتي اروح وارجع والاقي البيت مقشوط

صفي الداره مليانه خسع

صبني الستاير

رتبي الراشن بالمخزن

اوبهي تنسي تفحسي السامان

هااا خلي قايد يروح يجيبلي فل من لحج



سندريلا : ملي يا خاله اني اشتي اروح الحفله كمن



خاله فوزيا : اسكتي كسرو لقفك اشلك معي تخزيبي هناك . اسمعي روحي

اكويلي درعي البصلي الي لبسته في الزقره حق مروى .

شفتي الكلبه زوجٍه شلٍه لاتركيا شهر عسل

سندريلا: صدق كدااابه



خاله فوزيا: يجعلك عمئ عادك باتتشوهي معي يلا روحي شوفي شغلك .



البنات يتجهزو :::::::

افراح : ااااه امي قالت لي لا تعمليش بلح ايش باسوي ؟

تهاني: سشوري شعرك والبسي التاج السوسني حقك .

ملي اني ايش بالبس ما فيش معي تياب

افراح :يا هبلا البسي التوب الفسفوري حقك ابو الترتر البرتقالي

وقدك سودا بيطلع فوقك يجنن



المهم جهزوا البنات وامهم

وجلست سندريلا لوحدها تبكي لانها تشتي تروح الحفله علشان تشوف الامير

الي يقولو انه يشبه مهند وكمن علشان تطعم الكيكه الي بايجيبوها من فندق عدن



فجأه ظهرت صفافه لسندريلا وقالنلٍه : اسمعي يا ليده اني باساعدك لانك

وحده سافيه وعلى نياتك شوفي باجيبلك توب مليح وجاري جمل يوديك

ويرجعك بس مفعول السحر حقي بايكمل الساعه اطنعشر



سندريلا طالات فرح ولبست التوب وراحت الحفله

وصلت القصر شافٍه الامير جنن

راح يجري لاعندٍه وقال لٍه : يا مليحه



سندريلا : أو مالك فجعتني

الامير : انا فدى الفجعه حقك . قوليلي ايش اسمك يا قمر

سندريلا : لااااا مقدرش . اسمع فينٍه الكيكه الي جبتونٍه من فندق عدن ؟



الامير اخد سندريلا واكلٍه الكيكه وشربٍه شراب ,,,

وفجأه طفت الاضواء ولصت اغنيه يا وليد يا نينو وقام الامير وشل يد سندريلا

ورقصو شرح عدني



وهم يرقصو دقت الساعه اطنعشر فزت سندريلا ديك الفزه

وقالت : أو ياماااه قدٍه اطنعشر مسرع اني خلاص باروح



الامير : جسي عادو بدري

سندريلا : لااا ايش بدري اني معي سامان بافحسه



وجرت سندريلا والامير جرى بعدٍه , وسهواً فلتت كوشه من كواش سندريلا

الامير شل الكوشه وفي اليوم التاني امر الامير الدوق بان يقايس الكوشه

على رجول البنات الي اجو الحفله .



الدوق ماكدب خبر وراح كل الحوافي ورجع للامير خائب



الدوق : يا سيدي الامير انا الصدق زحفت وانا اقايس ما فيش ولا وحده

اجت عليها الكوشه دي درت حافه حافه زغط زغط جلي جلي ولا لقيت مطلبك



الامير : زهدي انت متأكد انك رحتا كل الحوافي

الدوق : لا استغفر الله الصدق ما اشتيش اكدب عليك انا ما رحتش بلوك خمسه

وتلاتين قلت البنات الي هناك رجولهم زيما القوارب والكوشه سع منٍه زي الفار .



الامير : الله يزيلك هيا روح الان قايس ورجع لي خبر



الدوق راح بلوك خمسه وتلاتين ولمان وصل بيت سندريلا .

دق الباب قائلا: يا ويييييه نشتي نقايس الكوشه دي عند الله وعندكم خارجونا



افراح فتحت الباب : مالك كدا مالك تتقارح زي الطماش صلي على النبي

الدوق : اسمعي انا اشي اقايس الكوشه دي على البنات الي في البيت

دا والي باتجي عليها الكوشه باتتزوج الامير

اجت افراح باتجرب الكوشه

شاف الدوق رجلٍه افتجع وقال : ايش داااا رجلك ولا مدعس فيل

اجى دور تهاني دخلت رجلٍه المقردده داخل الكوشه طلعت الكوشه صغيره

الام : يابنتي اكشحي رجلك سوئ

تهاني : قدني اكشحٍه مكاشحه

فجأه صرخت سندريلا : اكواشي والله انيه حقي الي جابتٍه لي الصفافه

الدوق : هيا تعالي يا صفافه تعالي جربي زيك زي خواتك



جربتها سندريلا وجت عليها واتزوجت الامير

وعاشوا في تبات ونبات وخلفو هبشة صبيان ودرزن بنات..





















و تووووووووته تووووووووووته خلصت الحتووووته

فديت عدن و طوآيف عدن و اهلهآآ




ايحم .. اي كلمه مآفهمتوهـآآ .. اسدحوآ الكلمه و بترجمهآ لكم

ملحوووزهـ :: القصه مآ بتفطس ضحك الا للي يتقنو اللهجه العدنيه






طحيـآآآتي

نمونه بالعدني ههههههههه

روعه سلمت يداااك

مره تاني تجبو الشتني من بيت الجيران

هههههه

هههههههههههه




اتمنى ا القصه عجبتك


ومشكورر على مروركـ

الام : يابنتي اكشحي رجلك سوئ

ههههههههه

مشكووور اخي هاوي الشوووق عالمرور

يعطيك العافيه ..


حلو الكلام والقصه ...

سلمت الانامل ...


تقبلي مروري...

كل الشكككر لمرورك الاكثر من رائع شركاااوي


حياك الله نورت الموضوع <<بنوري :ic139:

مالها شي

يسلمو

الموووهم نالت جزء من اعجااابك ههههه




تسلم عالمروووور

// صدى الذكريات //

مرحباً


وليس للأدب ، وأهله الرقي إلا بكم


أولي الذوق الرفيع ، والحرف البديع...


فائق الود ، وعظيم التقدير


دمتي فكوني بخير / وأتمنى لك الخير