من روائع حامد زيد

لولا البكا ما ينشرح خاطر ولاينزاح ويل
خل الكدر يطفي سعير الليلــتين اللي خلت
.
دام العيون اليا اهملت تشفي القليل من الغليل
الله يبارك بالعيون اللي ليا ضقت اهملت
.
دمعة قهر تثبت لي ان اللي يحبوني قلـــيل
ولاضحكه بوجيه ناس لي تضايقت انكــلت
.
البارحه يوم الهموم تحط بالصدر وتشيل
والشاهد الله ماحبــست بمحجري دمع وفلت
.
الدمعه اللي ماتهز صدور ربعــــي لاتسيل!!
اكنــها مثل الجمر ولايقولون انزلت
.
اللي وهو ما فزلي وده محملني جميل
اجيه برجولي عشان اشكي له الحال ؟ اكملت
.
ماكل من شافك قوي يفــرح ليا جيته ذليل
الناس ليا من حست بضعف الشجاع استنذلت
.
بعيونهم ببقى مثل ماللهبوب من النخيل
على كثر ماضامها صفق اللواهيب اعتـــلت
.
وشلون احس ان العذاب اللي على متني ثقـــيل
وانا ادري ان اللي تصبرني على الحزن وصلت
.
معشوقتي وإن ضف صدري من ليالي الحزن ليل
ياكـــثر ماشربت معي من علقم الحزن وكلت
.
معشوقتي ما للفرح برجوعها يمي سبيل
الا مثل ما للربيع من الزهور ليا ذبلت
.
معشوقتي من عمر جيل ومدرسة مليون جيل
معشوقتي رمز السنين اللي تجلت وانجلت
.
اللي على كثر المصايب كل مافيها جميل
الناس لي كبرت تشين وذيك لي كبرت حلت
.
لامن تثــنت للهبوب تمــيّل اللي مايميل
وان مالت عقول الخفاف من الرياجيل اثقلت
.
كن الكلام بثغرها مجرى سبيل للسلسبيل
مسترسله لو ماضميت ولو ضميت استرسلت
.
تقبل على لون المسا لاجات مفتوله جديل
غصبن عن عيون النسا مايرمشن اليا قبلت
.
عشقتها لاني من اللي يعشقون المستحيل
صدقتها لانها لـ قالت القول : افعلت
.
الترفه اللي تنطح الفريّــس وتفك الدخيل
ما الرجال اللي تحملني مثل ماستحملت
.
لو كل خلق الله ملو ماتمل وماتميل
لان الرجال بهالزمن قلو هذيك استرجلت
.
يوم ان وقفتهم معي من باب مايخدم بخيل !!
هذيك ما وقفت جنبي .. هذيك هي تبهذلت
.
خانوا وهي ماخونت عالو وعيت لاتعيل
تبدلتت كل الوجوه وذيك ما تبدلت
.
لانه ليا عز الرجا ما للخليل الا الخليل
مااذكر قرت في محجري قصة عن الحزن وسلت
.
كن الذي يجري معي يجري مع الطرف الكحيل
اليا رضيت ترضى عشاني وان تزعلت زعلت
.
تدوي بخفاقي دوي لين احيت الحلم القتيل
عشق بدويه لبدوي لاجت على البذل ابذلت
.
معها عرفت اني قوي حتى وانا مافي حيل
واعدها بمية خوي كان الهموم استفحلت
.
دام الشدايد تكشف بصاحبك معدنه الاصيل
ليت السنين اللي حدتني لـ الضياع استعجلت
.
الشده اللي تثبت ان اللي يحبوني قليل
ولا ضحكه بوجيه ناس لي تضايقت انكلت
.
بنت ليا منك وقعت تشيلك من القاع شيل
ابرك من وجيه رجال اللي ليا طحت جفلت

من روائع حامد زيد

انتقاء رائع كعادتك

لروحك أطيب الورد واكاليل الزهر

من أروووووووع القصائد لشـاعري المفضل
سلمت يدااااااك أخـــي على الذووق الراااقي
تحياااااااتي لسمؤكـ

المشاركة الأصلية كتبت بواسطة هدووء انسان

انتقاء رائع كعادتك

لروحك أطيب الورد واكاليل الزهر

اسعدني تواجدك استاذي

المشاركة الأصلية كتبت بواسطة ملكة الرومانسية

من أروووووووع القصائد لشـاعري المفضل
سلمت يدااااااك أخـــي على الذووق الراااقي
تحياااااااتي لسمؤكـ

اسعدني تواجدك ملكة

حامد زيد بالنسبه لي اشعاره بالمركز الاول ^_^

يعطيييييك الف الف عافيه اختيار رااااااااااااائع

المشاركة الأصلية كتبت بواسطة ملكة اليمن

حامد زيد بالنسبه لي اشعاره بالمركز الاول ^_^

يعطيييييك الف الف عافيه اختيار رااااااااااااائع

الله يعافيك
حامد زيد له روائع مثل روعه مرورك

دائما اقول عنه

شاعر في زمن اصبح الطفل شاعر


اعشق قصائده كلها

انتقاء مميز لشاعر مرموق
يسلموا والله عالطرح
ربي يعطيك العافية ويبارك فيك
دمت بخير
ودي قبل ردي

انتقاء في قمة الرووعه
يسلموووو خيو ع الطرح
الله يعطيك العافيه