░▒▓██ قُلًبـے عَـ جِ ـزَ || الـَڪَـوْنـْ || أَنـْ يَـسْـتَـوْعـِبْـهَ ░▒▓██

ياهيه اللتفت لي واسمع ادعاي لـك ياهيـه
تــرا عـادك بتشبـع من البعـد وتواجـه

دعيتك بصـوت ٍ ياصلـك ليـه مـاتوحيـه
وانا اسمع ضلوعك من صدى الصوت لجّاجه

عليـك الفـؤاد اخـلاجـه مصمّـخ ٍ راعيـه
خـف الله فــي راعيـه ماتسمـع اخلاجـه

ترا العفو قـد جاك اوله واغتنـم تــاليـه
وترا الحلم بحـر ٍ غيـر لا تامن امـواجـه

وترا الود ليل ٍ مظلـم ٍ جيـت لـك ساريـه
سراجه وصالك والـجفـى ينفـخ اسراجـه

وترا قصرنا اللي كـم سنه نجمـع ونبنيـه
هوى العذل طيّـح بابــه العـود وسياجـه

لي أيام مـدري ويـن دارك ولا ادري ليـه
وانا خـابـر انـي بـاب شفـك ومزلاجـه

غيـاب ٍ بـلا سبّـه هجـاد ٍ بـلا تنبـيـه
وجفا أغلا العرب نار ٍ على الكبـد وهّاجـه

نضج قلبي من البعـد وش حاجتـك تكويـه
جفاك الجمر والصبر فـي بعـدك الصاجـه

طبـع حبـك بقلبـي والايـام مــا تمحيـه
هـذا هجـرك يحـاول يموجـه ولا مـاجـه

يموت الأمـل لكـن ضنـون الغـلا تحييـه
وعروق الوفـا فالـروح والقلـب وجّاجـه

خبرتوا حـد ٍ يبكـي علـى واحـد ٍ يبكيـه
وخبرتوا حـد ٍ مسجـون مايبغـي أفراجـه

احبه ولا ابغضتـه علـى شـي ٍ إيسويـــه
ولا زالـت أرقـاب الرجـا فيـه منعاجـــه

عسى منزل ٍ ضمه حقـوق الوسـم تسقيـه
وتضحك له الدنيا وهـو يضحـك أحجاجـه

فقد خاطري شـي ٍ مـن الضيقـه امسلّيـه
وغدت روحي من النـاس والليـل هجّاجـه

اروح لمكـان ٍ خابـره ..خابـره ياتـيـــه
اسوق القدم صوبـه وهـي مالهـا حاجـه

مكـان ٍ نزيـه وأول مواجهـي لـــه فـيـه
وانـا خابـر ٍ مارجـل مثـلـه بـدواجـــه

لعل وعسى مـا حدنـي للمجـي ..يدعيـه
واشوفـه وانـا مـاودي اسبـب احراجـه

يحب الجريح اخـر دروب اللقـاء ويجيـه
وتحـب القـدم جيّـة مكـان اول مواجـه