التعامي مرعب

من ضمير عاش فيه الهاجس المتشعب=جاك يتلاطم صدا موجه معى صمامه

التعامي عن بعض الاشياء مره مرعب=والشعور يهيض مره لا احتزم بحزامه

لا تقولون المعاني في ضمير مجرب=والله ان يبين وقعي يا عرب واجرامه

ما ني بداخل وفالنيه شعور مخرب=بس كلا يلتفت للي ظهر قدامه

مظهر التعبير لامنه ظهر متسكب=يمكن يغير طريق الشوق عند احرامه

لكن اللي في ضميري شعري المتهذب=يطفي التفكير في راسٍ يزيد اخرامه

البنا والهدم والترميم يوم اشطب=روعة المنظر تزين هامتي العزامه

لا تمادى يا قصيدي صاحبك متعذب=كل ما جاته حروف الهم خط ابهامه

بالنظر صوب المعاني يا ضميري شبب=وان لفى ملقوف قم عنه وشد اخطامه

ما انت باللي قد حصل مهما جرا متسبب=هو سبب كل المصايب ثم لفاه اعدامه

ماني من اللي حصل يا هاجسي متهرب=يوم انا من قوم دايم للعدا لطامه

يا الاداره وانت يالجمهور هاك مرتب=بس هاتو الحق واعلو رايته والهامه

ياردود الهون و الموضع فيه مقبب=والبنادق تتقي صوت الفشق واعسامه

كان سقت جيوش ربعي والهوان مهدب=لين نسقيكم من امرار الظلام صدامه

بس دعوانا بجوف المنتدى تتشذب=دامت الدعوا فهاني هامتي جزامه

ما نبي صوت المشاكل لا ولا من كذب=دام جوف المنتدى كلا يسوق اقدامه

والله اني شاعر ومن صلب قوم معرب=لابتي في كل مبدا للهدا مقدامه

صوتي اللي راح والتعبير بعده غرب=كل واحد يقفل لسانه معا ؟؟؟؟؟؟؟

دامت الدعوا فهاني هامتي جزامه

ما نبي صوت المشاكل لا ولا من كذب

دام جوف المنتدى كلا يسوق اقدامه

والله اني شاعر ومن صلب قوم معرب

لابتي في كل مبدا للهدا مقدامه

صوتي اللي راح والتعبير بعده غرب

كل واحد يقفل لسانه معا ؟؟؟؟؟؟؟

راااااااااائعه ضامي الشوق ذوق وردود مميزه انتضر دائما جديدك ويا ريت تضيف اشعارك القديمه

سمو الانوثه شكرا على مرورك الكريم وبالنسبه لوجودى هنا للجديد فقط ومناقشه المواضيع بالشعر مع شعار المنتدى ولك خالص تحياتى

القصيدة اكثر من روعة بس اخي استوقفني بيت ما ادري اكان لغز ام ماذا الا وهو:
صوتي اللي راح والتعبير بعده غرب
كل واحد يقفل لسانه معا ؟؟؟؟؟؟؟
نرجو منك التوضيح ولا نقول المعنا في بطن الشاعر بس بنسبة لو نربطه معا القافية فان الكلمة الاخيرة معروفة وفقك الله.

ابو اليعروبى هلا فيك انا جعلتها علامات استفهام ؟؟؟؟ كل واحد يخمن على كيفه وفى الاخير اذا وقفت الامور عليها انا مستعد اكتبها ؟؟؟ وشكرا على مرورك

باقى ما كملت الكلمه الاخيره ؟؟؟؟ اموت واعرف وش قصدك فيها

افتقدنا الشعر من بعدك يا ظامى لله درك