ديوان الشاعر ابو حمدي محمد الجمل

من دور الوجعه لقيها مسبعه
--------------
الشاعر ابو حمدي محمد الجمل
--------------


يـقول الـجمل فـي كـل وطـيه ومرتفع
اريــت الـبلا ذي حـضرة ابـليس وزعـه

وحـطه عـلى راس الـقبيلي ذي انـدفع
مــع الـشـر ذي هــدم كـيـانه وزعـزعـه

فـيـا صـاحـبي خــف الـتـهوار والـطمع
كما ابليس اذا وسوس على امر جزعه

تــوقـع تـوقـع قـبـل مــا شـاهـدك تـقـع
وحـاسـب لـهـا مــادام عــادي مـشرعه

وخـف الـتبجاح ذي يـسبب لـك الوجع
كـما صـورتك فـي كل الاحوال مفجعه

ومـن هـو بـطل بـالطيب قدامي ارتفع
ومـنـه لـكـل الـنـاس انــا خـوك مـنفعه

وشـوم الـذري يـرتاح فـي كـثرة البدع
ويـفخر امـام الـناس بـحاله وذي مـعه

لـكي يـذكروه فـي كـل ديـره ومجتمع
فـعـل كــل حـيـله فــي درامـا مـصنعه

سـمع ذي يخطط له وذي يجلب السلع
ويـحـسب قــد الالــي تـجاهي مـدرعه

رمـاني وانـا ذي قـلت يـاصاحبي فـرع
بحق الصحب يكفي تمقداش وقردعه

اتيت اسلمك من قبل ما تصبحوا نصع
ارا كـــل مـــن يـمـشي بـقـربه تـنـصعه

ولـكن نـويت الـحرب فـي كـامل البقع
وخـلـيـت بـقـعـا مـــن هــدارك مـولـعه

بـدعـواك انـك صـاحب الـحق ذي لـمع
بـيـانـه وغـيـرك ذي تـوسـع بــلا سـعـه

تـمـركـز بــلا بـرهـان ولا قـسـم لـلـكرع
ولا حــق مــن وارث ولا خــط مـطبعه

وذلـحـين كـل انـسان يـحصد لـما زرع
ومـــن لـــه بــقـا نـــزل بـيـانه وطـلـعه

تـبـان الـحقيقه ذا قـد ابـليسكم خـضع
وسيبتوا الشيطان ذي اسلوبي اوجعه

وقـال الـمثل ياصاح من يصفع اصتفع
ومــــن دور الـوجـعـه لـقـيـها مـسـبـعه

ومــن كـبـر الـلـقمه عـلـى خـزقها نـجع
ومـن شـط ثـوب الـناس تحمل ورقعه

وبـاب الـبلا ما شخص يخرج وما دفع
غـرامـه ويـخسر ذي طـمع بـه وجـمعه


الــــشـــاعـــر مـــحـــمـــد الـــجـــمـــل