شيخة

المشاركة الأصلية كتبت بواسطة سند فضل

هلا (شيـخ الحـلا).. بخت الحـلا دامك تمشيختـه
******** هلا بـ (التـاج) ذي تتــزيّن (الـدوحـة) بمـرجـانـه

هــزوم الحــب ولـي عـذري إذا مـثـلـك تـرهـبتـه
******** حويـت الخُلـقْ والخِلْقَة ونلـت العــرش وديـوانـه

نثـرت الـورد عـا دربـك .. عـسـاك أنك تعطـرتـه
******** وظنّيـت أني كلّي "ذوووق" كان الـورد عنـوانـه

ولمّا جـيــت أشـم الــورد مـن بـعـــدك تَعَـجّبْتـه!
******** أتـارينـي الـذي عــطّرت فيـك الـورد واغـصـانـه!

أنا كنـت احـسـبــك مـتّـعــت أجفـانــك إذا شـفـتـه
******** أتـاري الــورد مـن متّع وكـــحّل فـيــك أجفـــانـه!

أنا مـن يـومهـا و"الـورد" عا صـدري تحضّنتـه
******** أنا كـل مـا كـوانـي الشــوق ضمّيتــك بأحضــانـه

أشــوفـك كلّمـا شـفـتـه.. واحــسّك لـو تحسـستـه
******** واشـــمّــك كلّمـا يـطـلــع عبـيـــرك بيـن أفـنـــانـه

أحـاول أوصفـك أحـلى بما في الكـون, وماشفتـه
******** وعدت اضحك على شعري ويضحك مني ديوانـه

إذا قـلـت: "القمـــر مثلـك" تـرانـي فيــك دلّعـتـه
******** ولو مثّـلت فيك "الشّـمـس" صـارت فيك تيهـانـه

ولو قلت "الـذّهــب" نقّصـت في سعـرك وزيّدتـه
******** ولو شـبّهتـك الألمــاس طـارت للـسمـــاء اثمـانـه

أحـبــك حــد لـو نلـت "الـثــريـا" تحـتـك انـزلتـه
******** ولـو نلـت "الـثـرا" جرجـرت لك سهلـه وكثبـانـه

أحـس أن المطــر ما غسـلك .. أنت إللي غسّلْتـه
******** واظـــنّه ما سـقـــاك إلّا ليـطـفــي فيــك وجــدانـه

وأحـس أن الثّـمر لو تـطْعَمـه أنت اللي أطـعَمْتـه
******** واظـن أن العســـل مـا ذاقــك إلاّ ولــحّس أبنـانـه

واشوف الرمـل يتمفخـر بدربـك, من حـلا بختـه
******** وهو معــذور لو داســت رجـــولك فـوق كثبــانـه

أحبـك حـد إذا نلـت "الزّمـن",أهـديـت لك وقتـه
******** ولو نلت "الوطــن" لبّسـت رجلـك تـاج سلطـانـه

ش/س.ف

فوق مستوى الابداع الا ان اخر شطر من اخر بيت ما كان ينبغي ان يقال وهذا ما افقد القصيدة جمالها وصورها المذهلة !!