اغ ــــبى صياعة ((بقلمي )))

السلام عليكم ورحمة الله وبركاتة....
اليوم راح احكيلكم قصة عني انا وخواتي وغبائنا الاهبل في الصياعة هههههههههههههه
امس جالسه انا وخواتي الثلاث ((فوفو ..سوسو ..روري..)) نشكي لبعض من ناحية الخرجة وشم الهواء
لان هذاي الايام عطلة نص السنة يعني مافي خرجة..... فقامت الاستاذة ودكتورة علم النفس اختي الكبيرة روري تكتب مشاكلنا في ورقة ههههههه
وتشوف من الحساسة ..والحمد لله كلنا طلعنا عديمات احساس هع هع .... المهم الوالدة حنقة قد لها سنة والوالد راح يخزن ..والخالة مرت الوالد مغلقة على روحها في شقتها ...واخواني في الشارع يلعبو ..يعني مفتوحة لنا من كل باب للتفكير بالخرجة واستنشاق هواء الصياعة
...تأنتكنا اتجهزنا وللشنيط فتشنا فلم نجد سوى 50ريال هههههههههه فقالت روري: يلة بنروح نسحب من الرصيد تبعي الي بالبنك ....فصرخت ملكة ومن بعدها سوسو ثم فوفو صرخة فرحة الي ان صحين الخالة مرت ابي.... فنزلنا سكتة سكتة همس لمس ...ولا لنا النفس .... عدينا الدور الثالث حق بيتنا وبعدها الثاني واخيرآ جاء الثالث وخرجنا ..... توجهنا للبنك طوالي لا يمين ولا شمال .... نتفجائ بالصاعقة الكبرى
المصيبة العضمى

الضربة القاضية



البنك مقفل هههههههه

كلنا(( ياربي ايش نسوي ايش نفعل ))
قلت (بنات خلوها على الله وامشو رجل))
الجوء حلو والمزاج رايق والكل نشط
فدقينا ابوها مشية لشارع 16 من محل الى محل من سوق الى سوق ...
سمسمنا اصحاب المحلات كلهم لانها اول مرة نخرج سوق والجيب فاضي
رجعنا رحنا شقائق النعماان ... تشقشنا ورد شوية لفلفنا صنعاء كلها...
وفي الآخير ضعنا ياخلق الله واخبتطنا في الشوارع ...
((كيف يارب ايش نسوي )) لقينا امراءة يجي عمرها44سنة بس عطرها والبخور ملان الشارع ..
وقفتنا وسألتنا بنات وين بيت معياد؟؟ قلنا لها كلنا بصوت واحد وين بيتنا احنا؟؟
مااتت ضحك وتم نقلها للمستشفى الي بقرب بيت معياد ههههههههههههههه

فأتت فتاة حسنة المنضر مؤدبة الله اعلم مارفعت عينها من الارض...
سألناها بشارع بيتنا ودلتنا علية..
روحنا البيت ارجلنا مكسورة....والضحك على شفاتنا..وكل واحدة تشكي لبقية اهل البيت.......
وكل واحدة قامت تتحمم وتبدل الملابس الي فوقها لانها خلاص قده متربة من التراب دخل الي الاعماق
وكاانت احلى وااغبى صياعة في العالم ...... وجلسنا شربنا قهوة قشر باللوز والفستق وبنتذكر المواقف الي حصلت وكلام الشباب الي حصلناه ..وتذكرنا شي الله لا يذكركم بة لاتكونو وانتو نسيتوة؟؟؟؟ ها هاه ههههههههههههههههه
تذكرنا ان احنا نسينا مانرجع للبنك ندورة هو فتح ولا لا ولو حتى نأخذ ريال1000حق الرواحة ....
وهاذي لحضة كانت غبية ومضحكة وشقية وتحفة بمعني كل كلمة تحفة.....
كانت بتاريخ مادري كم التاريخ هههههههه
اهم شي الي يدخل يرد يكتب التاريخ حقت امس لو يسمح ....والسلاام ختام