عمر البحر ماشال هم السفينه

عمر البحر مااشال هم السفينه



[[من طبعي ارد الإساءهـ { بالاحسان }
وأساير ظروف الزمان اللعينه ..

وأطوف الغلطه من { أفلان .. وفلان }
يعني من أجل { عين } تكرم مدينه ..

الكامل الله والخطا طبع { الانسان }
والدرب يفرق عن يساره ويمينه ..

و { الصاحب } ا للي لـه معزهـ ولهـ شان
ان جاني بـشينه.. تذكرت زينه ..

اتحمل اخطاءهـ معي {قدر الأمكان }
من جانبي تبقى العلاقه متينه ..

واللي { يغلطني } وانا ماني بغلطان
اصابعي احطها { وسط عينه } ..

مادامني مسلم وفي قلبي إيمان
عمر{ البحر } ماشال هم السفينه ..

مرت علي { انواع .. واشكال .. وألوان }
بين { العقول } الناقصه .. والرزينـه

عندي قناعه ان { الإنسان شيطان }
اذا يهينك { لازم } انك تهينـه ..

يعني اذا حاجتك { بيدين عدوان }
يكفيك شر المهزله .. والغبينه ..

من{ كثر ماجاني } من الناس خذلان
تحرجني حتى كلمة { الله يعينه}

صحيح لي { ربع .. وجماعه .. وخلان }
وأضيق لكن حاجة الناس.. شينه

الشخص دام انه بكل شي{ خسران}
تأكد انهآ من عمايل { يدينه } ..

من مرحلة { حب .. ومشاعر .. وحرمان }
إن مالعنت الحب تلعـــنه سنينه ..

اكتب شعر واعزف من { اشواقي الحــآن}
واسلي قلوب الغرام الحزينـه ..

ولو الشعر مخلوق في { هيئة انسان }
والله لأقول له تسلم { واقبل جبينه }...~[