ليت السفر بين المحبين ممنوع..

ليت السفربين المحبين ممنوووووع

ليت السفر بين المحبين ممنوع
تحجز جوازات المحبين بالذات
حتى ايش لو ان السفر حق مشروع
المشكله لاهل الهوى حزن وآهات
لاغاب خلك والرجاء فيه مقطوع
لابه رسايل تاصلك واتصالات
الخط مغلق كنه الكرت منزوع
من ضيقتك تلعن جميع اشتراكات
تضرب على الكفين والقلب مفجوع
تضيق بك عقبه جميع المساحات
في ليل دامس ضايع مابه شموع
الفكــر تايه في دروب المتاهات
العين تذرف بالدقايق لع ادموع
والقلب عايش بين حسره وونات
لوك تجر الصوت ماهو بسموع
ياطول مابينك وبينه مسافات
يمكن ظروفه مامشت له على طوع
ويمكن سلى فكره بروحه وجيات
سايح بدار الغرب والاجر مدفوع
يسرح ويمرح بين سجه ولذت
الجو صافي بين خضره وينبوع
وانت بسموم القيض مابه اجازات
الهم مدهالك من اسبوع لا اسبوع
لاحل ذكرى الترف هليت عبرات
صار السفر كله مثل حبة الكوع
جمع الحبايب سابع المستحيلات
بس الاكيد ان الغلا فيك مزروع
الحــب يبقى بالضماير ولا مـــات
الصدق قلته والزعل دوم مرفوع
وقت السفر تبدى كثير المعانات....