يا شباب الشعب كبو -------====------

السلام عليكم ورحمة الله
السلام تحيه
على عجاله لكم هذه الابيات

جيت بسم الخالق الواحد اللي نرتجيه = حاكم الحكام والناس في حكمه عبيد
مالك الاملاك ذي قلب عبده في يديه = جل شانه رب الارباب مولانا المجيد
بعد هذا جيت بالظرف والمكتوب فيه = داخله مني تحيه من النوع الفريد
لابن عامر وابن يافع اذا جنّب اليه = وكل من سجل حضوره بذا الصرح المشيد
جيت بازف التحيه الى تلك الوجيه = من هنا من سفح حجه مع ساعي البريد
يا رسولي قلهم ليه هذا الهجر ليه = لا اتصال ولا رساله ولا داعي جديد
يا حسافه كيف للاخ ان يهجر اخيه = ما هقيت الصاحب الجيد ان ينساه جيد
صاحبي لو هو هجرني اكيد ازعل عليه = وان هجرته يوم او شهر بايزعل اكيد
ما يفرط في صداقة خوي الا السفيه = والخوي الجيد معذور لو انه بعيد
الصداقه كنز والكنز ما فرّطت فيه = ما انا صاحب خيانه ولا قلبي شديد
الصديق اللي اخاويه بالطيب اشتريه = وان عطاني الطيب مجبور اعطيه المزيد
لا هنا با اختم كلامي وموضوعي نزيه = واسال الله يغفر الذنب في يوم الوعيد