خاااااااطرة ولا اروع منها

كذب وقتي وانا مثلة قعدت اكذب على حالي

........وقلت انك تشوقت لهواي وخاطرك حني

تصفحتك قريتك مالقيت اللي على بالي

........اجل وشلون تغليني وقلبك مادرى عني

خسارة ماتوقعت كذا ياقلبك الخالي

........وانا اللي كنت اظن الحب عندك واختلف ظني

ادور لك عذر عندي واقول شوي متعالي

........يا إنك شايف ٍ نفسك أو إنك تستحي مني

ولو تطلبني عيوني بقول فداك يالغالي

........خذ عيوني مادام انك بنظرة عين تفتني

أحن لمهزلة حبك واطيح بجمرها الصالي

........اجيك ودمعتي تنزف واذا شفتك ضحك سني

اجي ياشغلي الشاغل عشانك واترك اشغالي

........واضحي بالعمر كله عشان تعيش متهني

واجمّع لك عبارات الغلا لاشفتك قبالي

........ولكن كيف اوصلها وبعض الخوف يسكني

ياحظك مابكيت من الهموم وخاطرك سالي

........وانا اللي هدني حبك وصار القلب متعني

انا مع غربة ايامي سريت وطال ترحالي

........اسولف للصدى عنك ويرد الصوت ونغني

غرام ٍ من طرف واحد وحبٍ ضيع امالي

........وقلبٍ يطرد ايامٍ معك راحن وخلنِّي