(( يمن واحد ولا يمحيه ماحي)) تعقيب الشاعر توفيق الماطري على الشاعر الصهيبي اليافعي

== بدع الشاعر الصهيبي اليافعي ==
انا ابن الجنوب اعلن كفاحي=على اهل الفيد وأصحاب المصالح
جنوبي عربي هزت رياحي=ستعصف كل مُستعمِر وشاطح
وفي كل الوسائل والنواحي= نضالي مستمر والدرب واضح
طريق الحرية فيها صلاحي=هي كل المكاسب والمرابح
بعون الله غداً يشرق صباحي=وانك ياظلام الليل رايح
كذب من قال مكسور الجناحي=على شعب الكواسر والجوارح
جنوبيون ضمدنا الجراحي=بخطوات التسامح والتصالح
وهذا النهج يضمن لي نجاحي=ودار العز ياهل الدار رازح
ولا شيطان يعبر حي لاحي=ولا له نافذة أو باب فاتح
ولا سارق يقلد انفتاحي=وعينه بالنوافذ والمراوح
فيا ابن الوطن خليك صاحي=ليبقى دارنا مبني على صِح
اثر اطلال لركان الصحاحي=بقى عبرة لنا من دار طايح
ومن آحي ومن مصدر نواحي=ونايح بربعة مليون ضابح
ولك عبرة بمن فرحوا بآحي=فتح بارح وجبّح ألف بارح
فان الصدق ما بعده صياحي=وان الكذب ماحد فيه فالح
لقد ثارت مُدنّا والضواحي=كما ثارت قُرانا والمطارح
عزيمتنا هي اقوى سلاحي=وعزتنا بثورة شعب كادح
وكلاً قال لا ميت ولاحي=أذن خل السماء تمطر قوارح
نداء الأوطان الآ يانايم اصحي=عمل سلمي يرجع حق سارح
ولو فُرضت علينا بالرماحي=ففي الحالين لك ميزان راجح
هنا حدي هنا خطي الملاحي=هنا مافي تراجع أو تسامح
هنا برزخ فلا يمحيه ماحي=وفاصل بين ماء( حالي) و(مالح)
هنا اكبر قضية يا انبطاحي=هي أم الثوابت والكواسح
فما فلحت جحافل بجتياحي=بحجة وحدوي ثوري وفاتح
رفضناهم كما رفضوا أقتراحي=كما طردوا المشورة والنصايح
ونطرد من اتوا يسحون ساحي=وضل أبن الجنوب الحر نازح
كطردة كلب زيد بالنباحي=ولو حاول يغير بالملامح
ولا نقبل بلدنا تستباحي=لسفاك الدما وأهل الفضايح
ولا نكرانهم فيه ارتياحي=لقطره واحدة في عهد صالح
لأن الشهداء ليست اضاحي=لمن نصب المشانق والمذابح
لقد قتلوا بساحات الكفاحي=كما قتلوا بها مدرم وراجح
فيا أبن الجنوب ارجو سماحي=ونا استودعك حافظ وشارح
توقيع وحش الجنوب


((( جواب الشاعر توفيق الماطري )))
اله الكون من للذنب ماحي = = دعاك الماطري فاغفر وسامح
بذكر الله نصري وارتياحي = = ومن يمسك برب العرش رابح
انا ابن اليمن شادد جماحي = = وانا كالصقر مديت الجوانح
هلا في هاجسي روحي وراحي = == تعال اليوم واحمل عطر نافح
وسر لابن الصهيبي في ضواحي === بلاد العز يافع ثم صافح
في الديوان اتى شعره يواحي === ويستبشر بعوده للمذابح
بوقت الجد ما ينفع مزاحي === وياليته فقط جاني يمازح
وانا ماناش مغرم بالصياحي === ولا انا للجدل مايل وجانح
فقط للشعب والوحده انزياحي === ومن ما قال اشوف الكيل طافح
يقول باسم الجنوب اعلن كفاحي === وهو لاسم اليمن لاغي وماسح
صدمني ما يقوله ليل داحي === تزمت عنصريه كُِره واضح
توحد شعبنا ساقي وضاحي === هداك الله على الفرقه تلابح
هنا الوحده على صدري وشاحي === على مهلك تمهل وين سارح
نعم في عهدها اُطلق صراحي == = بها اتباهى الزبيري والمقالح
عسلها ما يزال وسط الجباحي === لوحدتنا اضئنا بالمصابح
يمن واحد ولا يمحيه ماحي === بتنكرني من اسمي وين سابح
انا وانته فلاحك من فلاحي === وانا وانته على حالي ومالح
لغينا الحد والخط الملاحي === ووحدنا الموانئ والمسابح
ووحدة شعبنا ماهيه مباحي === لها عشرين مليون ليث شارح
ولن نقبل لوحدتنا الطياحي === فلا هيه لك ولا ملك المصالح
وحدة شعب بهبات الرياحي === رياح الخير تاتي باللواقح
وشعب المجد مافيه انبطاحي == =من اعلا شخص الى اصغر مكافح
تقول مظلوم وتنوي لي طياحي== = علينا باسم وحدتنا نكافح
يماني انت اهتف بارتياحي == =تصدر مجدنا كل اللوايح
وياليتك توافق باقتراحي === نعيش اخوان بداخل بيت فاسح
وان اتجاهلت طيبي وانفتاحي === على قولك مصمم ما تصافح
اشيل في صف وحدتنا رماحي === ومزن الخير ياتي بعد راوح
فياشعب اليمن عزك نجاحي === فاحفظ وحدتك من نار لافح
ابو شايف ختمها بانشراحي === صلاة الله عليك ياخير ناصح
توفيق الماطري = ابو شايف