اعـــــــــــــشـــــــــــــــق

اعشق وعشقـي حلم صعب التفاسيـر
والحلم طـول والمسافه قصيـره
..
مابين غايات الرجـا والتعابيـر
مريت في دورة ليالي خطيـره
..
العلم واضح مايبا أي تبريـر
ولا اظن نحتاج للذي نستشيـره
..
بين القلوب نحس مجـرا الاساريـر
نبغي قليله بس نلنـا كثيره
..
صار تراب الحـب ينبت نواوير
وحنـا انتنفس في الليالي عبيـره
..
نقلع نبات الشـر ثم نزرع الخيـر
نتبع دروب(ن) والأمانـي كبيـره
..
الحب روضـه وسطها رفرف الطيـر
يورد اذا لاحظ بشاير قطيـره
..
أزف حبي لالجل سيـد الغنادير
وارحـل لدنيا بالمحبه جديـره
..
هذاك من صور لـي الحب تصويـر
واصبحت كلي في المحبه اسيـره


اتريا الردود^_^