ياعمي جيت ابي بنتك

ياعمي جيت ابي بنتك>>>>

يا عمي جيت ابي بنتك على ماحدّدهـ ديني


همست بصوت متردّد:أخاف محبّتك إعجاب
و صاحت:يا ولد إسكت و ناظر حبّك بعيني

:

و قلت ارجوك يا بنت أنا ماني ولد لعّاب
إذا كنتـــي تحبيني طلبــــتك لا تخـــلّيني

:

و اذا تبغين من باكر أنا قاصد أدق الباب
أنا تايهـ و جيت ابحث فقلبك عن عناويني

:

بعد فترة تشجّعت و مشيت لأهــلها طلآب
يا عمي جيت ابي بنتكعلى ماحدده ديني

:

ومع توفيق من ربي مشت خطواتنا بحساب
أنا مرتاح في حبي و هي متفــــاخرة فيني
و اذا جاني ولد منها تسابقـني تقول شهاب
انا ابغي ولدنا راشد و هي بعنــــاد تلفيني

:

مدام اني أحبها .. ما أخلّيها تثير اعصاب
و انا ماكنت اقول الآ كثر ما ابغاك حبّيني

:

و في ليلة غريبة حزنها يفتح كثير ابواب
طلعت و ما معي الاّ غرابيـــل و شياطيني

:

و عـ الشارع بسرعة موحشة عقلي صوابه غاب
ختمت اليوم في حادث مُريـــع و ما رأت عيني

:

و في عوقي نفذ صبري ولا فادتني الأعشاب
و كل ما أنطقهـ : يمّهـ هنا عـ الكرسي حطيّني

:

أنا مشلول يا يمهـ و انا توني صغير و شاب
يأست و ما لقيت اللّي على حالي يواسيني
رضيت بأمري الواقع وذا حظي ولو هو خاب
رجعت لها و انا أسأل أما زلتـــي تُــحبيني ؟

:

صدمني ردّها القاسي تقول انسى بدون اسباب
و لكن السبب واضح .. إعاقة بينــــك و بيني

:

و انا اللّي كنت لعيونك أطيّر من غلاك رقـاب
هدمتي حلمنا الوردي .. قتــــلتي كل ما فيني

:

انا اللي ماحسبت حساب قلبـ[ن] خاين و جذّاب
و صرتي فوق هالدنيا علي و هم خذلتــــيني

:

تركتيني بلا رحمة .. هجرتيني بدون احساب
أنا شلتك على راسي و على الكرسي تخليني
خسارة ماقدرت اكشف خفاك و قلبك اللعّاب
و لكن موقفي واضح .. أحبك لو تركتـــيني