|
|
|
|
|
|
02-05-2009, 10:20 PM
|
#1 | ||
|
مشـرف ســابق
:: مـــزن القـوافي ::  
تاريخ التسجيل: 19 - 3 - 2009
المشاركات: 193
معدل تقييم المستوى: 66  |
بدع سلطان الموسمي وجواب احمد علوي المجربي
بسم الله الرحمن الرحيم قال بداع من قمة جبل ما تزعزع ==== حيد قاسي وعر يصعب على الخصم طلعه قاسيه راسيه صما من الموت تفجع ======= قمة الحيد يا مجرب شديده وفجعه ما انت قادرمع الامواج تنزل وتطلع ======= با تسلم وتستسلم حيا تك بسرعه للفرزدق ثلاثه الف كيلو مربع ==== واربعه الف فوق الكل مضمون سبعه داخل البحر با تجلس حياتك مضيع ==== بين الامواج لا تحسب حسابك لرجعه وانت يا مجربي فارس مبارز مقنع ==== سرعة الموج مثل البرق في الجو لمعه خلي اصقار تساقط في الارض بورع ===== فوق الامواج تتساقط على كل بقعه عاد مجرب بدع يمشي معانا ويجزع ==== علمه كيف اصل الشعر كامل ووعه ودله سم من بحري مشكل منوع ==== سم روسي وباريسي محلل وروعه اربع انواع عاده خام يشرب ويقنع ==== منها النفس تدخل في صفارى وصرعه شوفه اجمل مخدر للذي قد تمولع ==== لا شرب حس ما عدله في الارض متعه بتبع مذهبي ومشي مع البارع ابرع ====كيف ما كان لما اعرف سلوكه وشرعه الوفي صاحبي والفسل با قول برع ===== صحبة الفسل مافيها مكاسب وطمعه تتعبك صحبة الفاتر قصيره وتينع ==== مثل بعض الصحب عندي مصيبه ودرعه شعرنا بان في مرى وصوره ومسمع ==== بيننا البين لجل الشعب كامل ووضعه ناصفه يا كلو والناصف الثانيه مع ==== كل من في زمان الجوع حانب بلجعه كملو ما حصل وانتو تقولو تبرع ==== كل مشروع ذا ندفع من الجيب سعه للعشى والرشى كم ذا نسلم وندفع ==== كل مسؤل نشتي له في اليوم دفعه قل لذي ما يربي شي عياله ويطبع ==== ما يطيعو ولا يمشو بأمره ونفعه طالما الأب ربيهم بنفسه ودلع ==== ما حدا منهم حصل في السوط ذرعه حاربو منجزات الأب ذي هو مولع ===== بالسعيده وهي متولعه فيه ولعه ذي بنيها ولبسها نمانم ودلع ===== مثل آدم كما حوآ تربت بضلعه زاد حبه على حمير زياده وتبع ===== والملك سيف ذي ما حبته بنت ربعه قايدي سجل التاريخ للشعب يسطع ===== عند الا جيال طول الدهر دفعه بدفعه وحد الشعب والبترول والغاز طلع ===== واصلح السد وسقي به مزارع بملعه قائد النصر ذي رسم حدوده ووسع ==== واستلمها من الجيران بحكام قرعه حامي الارض كم قاتل عليها ودافع ==== والجزر كلها ما سار بالبحر ودعه لهنا يكتفي بدع القصيد المصعصع ==== بدع للشاعر المجرب يسطع بسمعه بسم الله الرحمن الرحيم هذه القصيده جواب على قصيدة الشاعر باب البحر ابدأ القول بك يامنزل الشرع مقنع =================ذي هدانا وعلمنا تعاليم شرعه احمده مايحن الرعد والبرق يلمع ===============واشكره كلما لاحت من الغيم لمعه قالها بادع القيفان لاحب يبدع ===============كلمن يسمعه يشعر براحه ومتعه ابن مجرب اذا قد قال كلين يسمع ============يسمعو شعره اهل الشعر والناس جمعه في صروح الادب الّّف وصنّف ونوّع ===============من بساتين قيفانه وثمره وزرعه والذي حب يتحداه لابد يردع ==============بايجرع من الترياق سبعين جرعه صفعة المجربي لاجات في الوجه توجع ==============باتساوي على مقياسه الفين صفعه مايخيفونه اصحاب الكلام المفرقع ==============سهمهم طاح في حايط مسلح بقلعه قلعة المجد والتاريخ تحمي وتمنع ===============من يحاول يناطحها يباشر بردعه باتكسّر تقارينه ووجهه يخقّع ===============بايروح وله صوره قبيحه وبشعه مرحبالاف ياسلطان منا موزّع ============ ذي لمحته وانا جازع على النت جزعه مرحبا بالاديب الاصمعي والمقفع ==============من لواء إب حيد القفر أصله وفرعه موسمي ساعة الظيقات يلقى وينفع ================والمناحم بني عمه وقومه وربعه يفرج الله ظيقتهم وكلين يخضع ============= لانطلاق الصحب والثأر لا غير رجعه قادة الجيش فرسان السلاح المدرع =============يعرف المدفع الممطا مع اثنعش سبعه وانه الوضع في هذا الزمان المضعضع ============ذي نرى عند بعض الناس فرحه وزقعه محدا ينكره لكن بدت حاجه اشنع ================ نزعة الانفصاليين بطره وشبعه والخيانه لها تجار واصوات ترفع =============قد نسي درسه الماضي ومحتاج قمعه منهج العفو ذي خلا الهرينه تنكّع =============بينما كلمن معروف في الشعب وضعه لا معه جعجعه فانا مثيله مجعجع ============بس له صوت يسمع له وانا غير سمعه لا قطع حق من حقي فلا عاد يرجع ============= وان قطع حق من حقه يعيده بسرعه من معه زوبعه قله يقف لا يزوبع =============وحدة الشعب ماهي شي تجاره وسلعه الوطن من عمان الشرق لا غرب موزع ==============لا الدويمه ولا سيحوت رمله وخشعه لو تقطّع عليه اجسادنا ماتقطّع ===============تحت راية علم واحد ربوعه وربعه تسعتعشر سنه من عمرها صارت اروع =================والعلم حقها في كل قمه وقلعه والذي خانها يوم عادها سنها اربع ===============كيف بانقبله في عام الفين وتسعه باتدافع عليها اجيال تتبع وتتبع ==============سوف نشعل لذكراها مية الف شمعه والف صلوا على المختار طه المشفع ============سيد الخلق ذي مرسل الى الناس جمعه واذكر الآل والاصحاب مالنور شعشع ===============واوصلو راية الاسلام لا كل بقعه مع تحيات الشاعر احمد علوي المجربي زداع 2\5\2009 م
__________________
|
||
|
|
| مواقع النشر (المفضلة) |
| الكلمات الدلالية (Tags) |
| المجربي, البحر, ابن, باب, بدع, بقصيدتين, فؤاد, وجواب |
|
|
العرض الشجري