[ ..خلي عصافير الصباح تطير.. ~

فتحي عيونك ..

تبسمي ..

خلي عصافير الصباح تطير من تفتيحتك .. ~

قومي إشرقي ..

ناطرك أنا ..

وفطورك ..

وتسريحتك !

صباح الخير يا إنتي ..

صباحك غير .. لاقمتي .. عن فراشك وهو دافي !


ماكنتي فيه :

كان فراشك بحضنك طفل غافي !

لاصحيتيه قولي له :-
"صباح الخير" .. ياوافي !



،


صباح الخير ياصوتك ..

صباح الخير ياعمرٍ بديته .. من بدا موتك !

صباح الخير ياحبٍّ غرسته في نحرك ..

وفجّر سكوتك !

صباحٍ يشبهك .. لا لا ..

صباحٍ يشبه لتنهيدتك أمس !

صباحك همس !

صباحك ضحكتي لا قمت أغنّي لك :-
"صباح الخير" !


،


صباح الخير ..

ولاني قايلٍ لك غير :
"صباح الخير" !

لأني من مسا البارح ,,
وش البارح ؟؟؟

تراي الحين تميت الـ سِنـَه وغيابك الجارح .. معنّيني !!

على وين بـ يوديني ؟؟

هداياك تعبت منّي فـ كل ليله ..

فراشي يشتكي من غيبتي عنه .. فـ كل ليله !

وانا ماودي أشكي له !

يشوف أوراقي اللي حاصرت نومي ..

وهديّه مشتريها لك .. مغبّيها مع هدومي !

الى هالحين ماشفتك عشان أهديك !

ولاظنيت بشوفك !

ولا ظنيتني بأطيق أنام ودمعتي تومي !



ولاعندي معك حيله ..

قلت أحسن :-
أجيك الصبح متهااااالك .. وأغّني لك "صباح الخير"


وبتحسين بهمومي !!!



*إبراهيم الرشود .