انا اليمن كل همي = للشاعر توفيق الماطري

الماطري قال باقول رائيي ونفسي جديره
ولن يصادر حقوقي حاقد ولن استجيره
لا نا مع ذا مجامل ولا مع ذا خبيره
انا ليمن كل همي والمجد ارقى مسيره
ما اوثق بمسئول فاسد في الاصل ميت ضميره
...ولا معارض ملفق على قناة الجزيره
ولا بعالم بيفتي فتوى بنظره قصيره
الفاسدين خربوها جعل لبوهم كسيره
والطامعين بالكراسي ذباب فوق الخميره
والعلما ء ياحسافه ماعاد فيهم بصيره
والشعب مكبود مهموم دافي وفارش حصيره
واهل النفوذ المقسم على اساس العشيره
كلا مجهز سلاحه طمع بتاج الاميره
احترت ياناس وربي بالقلب مليون حيره
على اليمن ياخساره الكل يحفر حفيره
ضاقت بكل اليمانين الدائره والمستديره
ياذو يزن حان وقتك وقت الامور الخطيره
الشعب عايش دراما لكن دراما مثيره
ومنتظر حل قادم في ظرف حلقه اخيره

توفيق الماطري