$$ أنا بليـــت بحبـــكم$$

انا بليت بحبكم من هبالي

والا انت ظل مالنا فيه مقيال

خيرك لغيري والشقا والعنا لي

والمشكل اني عارف كل الاحوال

أرمي بروحي في بحرك الزلالي

وتنسفني امواجك على يابس الجال

اسأل فراشي كيف اقضي الليالي

بالليل لي حال ومعكم لي احوال

من خوفي العذال تدري بحالي

ويكثر على من العذل قيل والقال

أبعدت خلاني وجيتك لحالي

وفرشت لك قلبي مقر ومدهال

ويوم ابعدن احبالهم عن احبالي

ودريت انك عندنا غالي المال

أبديت عقب الحب صافي الجفالي

وخليتني محتار في اشهب اللال

وطلبت رب عالم ماجرى لي

ماحط دون الخلق حاجب ومرسال

ومنحني السلوان عالي الجلالي

ورد الحياه لسال ماطلب مال

وابعد خيالك خالقي عن خيالي

وقصر علي الليل من عقب ماطال

واليوم ترسل لي وتبدي الوفاء لي

تبدي لي اعذار قصيرات واطوال

تبي تجدد ماانقطع من وصالي

ترضي غرورك بس ياحسن الاقبال

ماعاد تخدعني عقب مابدا لي

وان عدت فيما عفت ... ماني برجال


********* ************


اهداااااااااء خاااااااااااااص
ان شاء الله تعجبكم....